2b2t

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh denter un quajcoss pussee, preocupéves minga e provégh.

2b2t, breviazzion de 2builders2tools, a l'è un server de Minecraft in pè del dicember 2010, el server anarchich el pussee vegg che 'l ghe sia, e in tra i server pussee vegg in sgeneral, tra l'alter, la soa mapa a l'è in tra i pussee vegge a vesser doperade ancamò, vist che l'è mai stada cambiada de la vertura del server. El server l'è anarchich e, in pratega, gh'è nissuna regola, anca se 'l ministrator el dopera di plugin per evità che se doperen di hack, ma nissun el po vesser bannad del server per fà un quajcoss, anca se l'è 'n quajcoss de gram compagn de mandà i balla el server o installàgh una backdoor.

2b2t l'ha vist, in la soa storia, pussee de 720'000 sgiugador e la soa mapa a l'è pussee granda de 13 Terabyte, la dificoltà a l'è grama e se po fà la lota in tra sgiugador. A l'è retegnud el server pussee tossegh che ghe sia, per via de l'utenza e del mancà di regole, del destrugà de la mapa, de la dificoltà de sortì de la region del spawn e per la libertà de copà i utent e de destrugà i so costruzzion.

El 14 de avost del 2023 a l'è atualizad a la version 1.19 de Minecraft, e i ministrador fann un reset de l'economia del sgioeugh, oltra a meter di regole, per esempi contra el duplicà de oget. Quella roba chi l'ha menad vari utent a ciamàll pu server anarchich e anca a lassàll.

• 2B2T: tra i server più vecchi di Minecraft Arqiviad qé: [1]

• Wikimedia Commons el gh'ha dent imagin o alter archivi su 2b2t