Jonk Fuerscher Lëtzebuerg, och nach Fondation Jeunes scientifiques Luxembourg genannt, gekierzt FJSL, ass e Veräi mat Sëtz am Forum Geesseknäppchen an der Stad Lëtzebuerg, deen den 1. September1977 gegrënnt gouf.[1] De Veräi riicht sech am Prinzip u Jonker bis 21 Joer, déi sech fir Wëssenschaft a Fuerschung interesséieren. Erwuessener kënnen och Member ginn. D'Aktivitéite vum Veräi gi vum Fuerschungsministère a vum Nationale Fuerschungsfong ënnerstëtzt.
Ziler vun der AJSL
d'Fërdere vun Aktivitéiten um nationale Plang am Beräich Wëssenschaftserzéiung baussent de Schoulzäiten;
d'Organisatioun vu Concourse fir jonk Fuerscher;
d'Zesummenaarbecht mat aneren Organisatiounen um nationalen an um internationale Plang, déi an änleche Beräicher aktiv sinn.
Facilitéiten an Aktivitéiten
Kontakter mat Spezialisten;
Virschléi fir ze fuerschen;
d'Matmaache bei international Concoursen;
Stagen am Ausland;
interessant Visitten, Ausstellungen a Konferenzen.
