Jean Klein (1942)

Dësen Artikel beschäftegt sech mat dem Foussballspiller Jean Klein. Fir aner Leit mam Numm Jean Klein, kuckt wgl. Jean Klein.

Jean Klein
Gebuer	21. Dezember 1942
Nationalitéit	Lëtzebuerg
Aktivitéit	Foussballspiller

Foto vun der Ekipp déi den 30. Oktober 1963 zu Rotterdam géint Holland 2-1 gewonnen huet. Uewe v.l.n.r. Jempi Fiedler, Bizzi Konter, Erny Brenner, Jim Hoffstetter, Fernand Brosius, Nico Schmitt
Ënne v.l.n.r. Bizzi Klein, Jean Klein, Camille Dimmer, Ady Schmit, Louis Pilot

De Jean Klein, gebuer den 21. Dezember 1942, ass e fréiere lëtzebuergesche Foussballspiller a Schoulmeeschter.

De Jean Klein war Stammspiller bei der US Diddeleng.

Hien huet an 31 Matcher fir déi lëtzebuergesch Foussballnationalekipp gespillt an dobäi 4 Goler geschoss. An zwar:

• den 28. Februar 1965 zu Lëtzebuerg an engem Frëndschaftsmatch géint d'Belsch
• den 23. Dezember 1967 zu Paräis géint déi franséisch Nationalekipp an engem Qualifikatiounsspill fir d'Europacoupe,
• de 17. Abrëll 1968 zu Lëtzebuerg an engem Frëndschaftsmatch géint d'Hollänner
• den 23. November 1968 zu Kopenhagen an engem Frëndschaftsmatch géint déi dänesch Nationalekipp^[1].

Referenzen

1. D'Lëscht vun de Lännermatcher vum Jean Klein op der Websäit vun European Football