The Girl on the Train (fere 'Mulier tramine vecta') est pellicula tremenda Americana, cui Tate Taylor anno 2016 faciendae moderatus est. Scriptum scaenarium pelliculae ab Erin Cressida Wilson factum in mythistoria eiusdem nominis a Paula Hawkins scripta positum est. In qua fabula cinematographica Aemilia Blunt in primis partibus agendis excellit.
Rachel Watson, mulier repudio dimissa, domum suam pristinam cotidie tramine praetervecta facere non potest, quin maritum suum pristinum cum nova uxore et infante fauste et feliciter viventem intueatur. Rachel ipsa intemperatae potationi dedita perturbationibus memoriae laborat. Non solum vitam mariti quem amisit animadvertit, sed etiam vitam beatam vicinae familiae Meganae et Scotti Hipwell observat, quorum matrimonium quam integerrimum esse videtur, donec accidit, ut ex tramine aliquid necopinati videat. Qua re excitata eventis se immiscere constituit.
Partium distributio
Aemilia Blunt est Rachel Watson, femina potax repudio dimissa
Iustinus Theroux est Thomas Watson, Rachelis maritus pristinus; Annae maritus novus
