Poppaea Sabina

Poppaea Sabina

Res apud Vicidata repertae:

Poppaea Sabina: imago

Nativitas: 30 CE; Pompeii
Obitus: 65 CE; Roma
Patria: Roma antiqua
Nomen nativum: Ollia T. f.

Familia

Genitores: Titus Ollius; Poppaea Sabina
Coniunx: Rufrius Crispinus, Marcus Salvius Otho, Nero Claudius Caesar Augustus Germanicus
Proles: Rufrius Crispinus, Claudia Augusta
Familia: Domus Iulio-Claudia, Poppaei Sabini

Memoria

Sepultura: Mausoleum Augusti

Poppaea Sabina

Poppaea (e museo archaeologico Olympiae)

Poppaea Sabina (nata Pompeiis anno 30; mortua Romae anno 65) fuit uxor nuptiis alteris principis Neronis. Filia fuit T. Ollii et Poppaeae Sabinae^[1] (filiae C. Poppaei Sabini).

Poppaea ter nupsit:

1. Rufrio Crispino equiti, cui peperit Rufrium Crispinum minorem.
2. M. Salvio Othone, amico Neronis
3. Neroni principi, cui peperit Claudiam Augustam aetate quattuor mensium mortuam

Secundum historicum Flavium Iosephum Poppaea Iudaicae religioni favebat atque fortasse eam fovebat (θεοσεβής dicitur). Certe summus sacerdos Ismael eius gratia impetravit ut muri cuiusdam aedificatio in Templo Hirosolymitano confirmaretur, quem murum et procurator Iudaeae Porcius Festus et rex Agrippa II amoliri volebant^[2]. Quin etiam ipse Iosephus anno 64 liberationem sacerdotum sibi necessariorum a Nerone per eam impetravit^[3]

Fontes

• Tacitus, Annales 13.45-46; 14.63-64; 16.6
• Suetonius, De vita Caesarum "Nero" 35, "Otho" 3
• Dio, Historia Romana 62.11-13, 27; 63.9, 11, 13

Notae

1. Simon Hornblower, Antony Spawforth (edd.), Oxford Classical Dictionary (Oxford University Press, 2003) p. 1221.
2. Flavius Iosephus, Ant. Iud. XX.189-196
3. Vita Iosephi III

Nexus interni

• L'incoronazione di Poppea

Nexus externi

Vicimedia Communia plura habent quae ad Poppaeam Sabinam spectant.

• De Poppaea Sabina (Anglice)