Maximus Gor'kij ab Akseli Gallen-Kallela anno 1906 pictus
Gor'kij, cuius primum opus publicatum (narratio nomine «Макар Чудра») anno 1892 in lucem editum est, plus quam 200 narrationes breves (fabulas, diegemata, etc.), 4 mythistorias, 15 ludos scaenicos nonnullaque alia opera litteraria scripsit. Praeterea, marxismi secutor, motus revolutionarii (e.g. revolutionis anni 1905) in Imperio Russico particeps fuit, operibus suis litterariis actiones rebelles inspirans. Idcirco a regimine monarchico Russico affectus est persecutionibus (inter alia, anno 1905 ob proclamatione sua contra monarchiam incarceratus fuit). A fine anni 1906 ad finem 1913 in demigratione erat, Capreis colens, post amnestiam in Imperio Russico ab iubilaeo dynastiae regnatricis Romanoviorum declaratam autem domum revenit. Attitudinem ad res novas Russicas anni 1917 autem criticam habuit.[3] Annis ab 1921 ad 1932 denuo peregre (ut plurimum Capreis) colebat, postquam venit ad Unionem Sovieticam, honore praecipuo ibi habitus.
Asteroides 2768 Gorky in honorem illi nominatus est.
