Districtus autonomus Chanty-Mansiensis

Districtus autonomus Chanty-Mansiensis

Res apud Vicidata repertae:

Districtus autonomus Chanty-Mansiensis: insigne

Districtus autonomus Chanty-Mansiensis: vexillum

districtus autonomus Russiae
Civitas: Russia
Locus: 62°15′0″N 70°10′0″E
Situs interretialis

Fines

Procuratio superior: Regio Tumenensis
Territoria finitima: Komi, Districtus autonomus Iamalo-Neneticus, Territorium Crasnoiarense, Regio Tomensis, Regio Tumenensis, Regio Sverdloviensis

Forma

Area: 534 500 chiliometrum quadratum
Caput: Iyrcopolis

Gestio

Praefectus: Ruslan Kukharuk
Consilium: Duma of Khanty-Mansi Autonomous Okrug — Yugra

Vita

Incolae: 1 759 356
Sermo publicus: Russica, lingua Chantyensis, lingua Mansiensis
Zona horaria: Tempus Catharinopolitanum, Asia/Yekaterinburg

Commemoratio

Paean: Anthem of Khanty–Mansi Autonomous Okrug

Sigla

Siglum autoraedarum: 86, 186

Tabula aut despectus

Districtus autonomus Chanty-Mansiensis: situs

Districtus autonomus Chanty-Mansiensis^[1], pleniter ab anno 2003 Districtus autonomus Chanty-Mansiensis – Iugra (Russice Ханты-Мансийский автономный округ — Югра) est subiectum Foederationis Russicae, ad eius regionem Tumenensem et districtum foederalem Sibericum pertinens, urbem capitalem habens Iyrcopolim. Die 10 Decembris anno 1930 ut districtus nationalis Ostiaco-Vogulicus^[2] formatus est, postea ad annum 2003 districtus autonomus Chanty-Mansiensis nuncupabatur.

In Iugra regione historica situs est. Nunc Iugra regio maximi valoris petrolei extrahendi est^[3].

Situs et geographia

Aream 534,8 chm^2[4] habet. Cum districtu autonomo Iamalo-Nenetico, re publica Komi, territorio Crasnoiarensi et cum regionibus Tumenensi, Tomensi, Sverdloviensi conterminus est.

Obius (cum accolis Sosva Septentrionali et Wacho et Iugane et Casimo) et Irtis (cum Conda accola) flumina districtus maxima sunt; Nadymus flumen in districtu incipit.

Taiga et paludes districtum operiunt; solum in parte septentrionali in confinio cum districtu Iamalo-Nenetico Uvaly Sibirici elevatio haud alta pelves fluminum dividit.

Populus et urbes

1520 milia incolarum (anno 2009) districtus habet. Secundum data census anni 2002, gentes plurimae Iugrae sunt Russi (66,1%), Ucraini (8,6%), Tartari (7,5%) et Baskiri (2,5%)^[5]. Circa 1,5% sunt gentes indigenae: Ostiaci^[6] (ipso vulgo Chanty vocantur), Voguli^[7] (Mansi) atque Samoiedi^[8] (Neneti).

Iyrcopolis est districtus caput; Surgutum, Nižnevartovsk, Neftejugansk urbes magnae, 91,5 % incolarum Iugrae urbes incolunt^[9]. Beresova colonia vetus.

Notae

1. Vide de nominibus linguarum: lingua Chantyensis, lingua Mansiensis. Cf. distr. aut. Chanty-Mansi, — Norae Zabinkovae et Moysis Kirpicznikov Nomina physico-geographica principalia URSS s.v. Ханты-Мансийский автономный округ.
2. Russice Остяко-Вогульский национальный округ, Ostjako-Vogul'skij nacional'nyj okrug.
3. Природные богатства (in situ administrationis Iugrae) (Russice)
4. Общие сведения (in situ administrationis Iugrae) (Russice).
5. Национальный состав населения (in situ administrationis Iugrae) (Russice).
6. Pallasii Zoographia rosso-asiatica, tomus I., p. 390; vel Ostjaki, — Ioannes Nicolaus Révai^(hu), Elaboratior grammatica Hungarica, pp. 268-271.
7. Elaboratior grammatica Hungarica, ibidem.
8. Zoographia rosso-asiatica, tomus I., p. 276.
9. Население (in situ administrationis Iugrae) (Russice).

Nexus externi

Situs geographici et historici: Locus: 62°15′0″N 70°10′0″E • OpenStreetMap • GeoNames • Большая российская энциклопедия