Decathlon

Ashton Eaton, unus ex optimis competitoribus decathli.

Decathlon, (-i n)^[1] est ars athletica multigenera, quo athletae decem ludis gymnicis campestribus, duobus continuis diebus, certant. Ex tribus saltibus (saltus in longitudinem, saltus in altum, saltus perticarius), tribus iactibus (iactus globi, iactus disci, iaculatio), duobus cursibus brevibus (100 et 400 metrorum), uno cursu mediae distantiae (1 500 metrorum), atque uno cursu impedimentorum (110 metrorum) constat.

Viri decathlo in ludis Olympicis hodiernis inde ab Olympiis anni 1912 certant. Mulieres rarius decathlo certant; certamen multigenerum principale muliebre est heptathlon.

Die primo

• Cursus 100 metrorum
• Saltus in longitudinem
• Iactus globi
• Saltus in altum
• Cursus 400 metrorum

Die secundo

• Cursus impedimentorum 110 metrorum
• Iactus disci
• Saltus perticarius
• Iaculatio
• Cursus 1 500 metrorum

Nexus externi

Vicimedia Communia plura habent quae ad Decathlon spectant.

• Decathlon apud iaaf.com

Notae

1. Ebbe Vilborg. Norstedts svensk-latinska ordbok, Editio secunda anni 2009, sub voce "tiokamp"