Cena Baccho ab Icario oblata

Dionysus Icario vinum dat: vas Atticum c. 540/520 a.C.n. a pictore "The Affecter" ornatum (Museum Lupariense)

Cena Baccho ab Icario oblata est quo tempore Bacchus vel Dionysus in Atticam iter fecit. Hospites Icarius et filia eius Erigone cenam generosam praebuerunt; deus invicem vinum eis dono dedit. Hoc fuit origo cultús vitis in Attica confectionisque vini. Cena ab Eratosthene in carmine epico deperdito Erigone descripta est, e qua servatur enumeratio scolymi tantum.^[1] Episodium a Nonno in Dionysiacis (47.1-264) repetitur; inde discimus Erigonam lac caprinum cum aqua mixtum praebuisse ad bibendum. Insuper Silius Italicus varia ex Eratosthene dempsit ut cenam Baccho a Falerno oblatam fingeret (Punica 7.166-211).

Notae

1. "Scolymos ... Eratostheni quoque laudata in paupere cena" (Eratosthenes fr. 34 Powell: Plinius, Naturalis historia 22.86)

Bibliographia

• A. Dalby, The Story of Bacchus (Londinii, 2005. ISBN 0714122556) pp. 83-90, 154
• A. S. Hollis, ed., Callimachus: Hecale (Oxonii: Clarendon Press, 1990) pp. 341-354 ("Appendix: The Hospitality Scene")
• Konstantinos Spanoudakis, "Icarius Jesus Christ? Dionysiac Passion and Biblical Narrative in Nonnus' Icarius Episode (Dion. 47, 1-264)" in Wiener Studien vol. 120 (2007) pp. 35-92