Alexandra Pachmutova

Alexandra Pachmutova

Res apud Vicidata repertae:

Alexandra Pachmutova: imago

Nativitas: 9 Novembris 1929; Volgogradum
Patria: Unio Sovietica, Russia

Familia

Coniunx: Nicolaus Dobronravov

Alexandra Nicolai filia Pachmutova seu Pakhmutova (Russice Александра Николаевна Пахмутова, tr. Aleksandra Nikolaevna Pachmutova; nata 9 Novembris 1929) est compositrix Sovietica et Russica.

Alexandra Pachmutova nota est creatrix musicae multorum carminum Sovieticorum popularium, e.g. Teneritas («Нежность», anno 1966), Melodia («Мелодия», anno 1973), et Quam iuvenes eramus («Как молоды мы были», anno 1976). Composuit musicam pro certis pelliculis cinematographicis Sovieticis. Auctor textuum plurimorum carminum, musicam Pachmutovae utentium, est Nicolaus Dobronravov, poeta et eius maritus.

Pachmutova supremis Unionis Sovieticae lauris (e.g. duabus Praemiis Publicis URSS, annis 1975 et 1982, titulis Artificis Popularis URSS, anno 1984, ac Herois Laboris Socialisticae, anno 1990) ac Foederationis Russicae (e.g. Praemio Publico Foederationis Russicae, anno 2015, Ordine Sancti Andreae, anno 2019, et titulo Herois Laboris Foederationis Russicae, anno 2024) ornata est. Asteroides 1889 Pakhmutova in eius honorem appellatur.

Nexus externi

Vicimedia Communia plura habent quae ad Alexandram Pachmutovam spectant.

Lexica biographica:  • Deutsche Biographie • Большая российская энциклопедия •

• Situs interretialis Alexandrae Pachmutovae proprius.