Rod Lyon

Rod Lyon (13ves Genver 1936) yw skrifer, gweythresydh Kernow ha person a vri y'n Dasserghyans Kernewek. Ev o an peswardhegves Bardh Meur Gorsedh Kernow (2003-20

Rod Lyon
Rod Lyon
Genys 20 century Edit this on Wikidata
Kernow Edit this on Wikidata
Kenedhlogeth Kernow Edit this on Wikidata
Galwesigeth jynner, skrifer, jornalyas Edit this on Wikidata
Soodh Bardh Meur, Kannas Bardh Meur Edit this on Wikidata
Arvether
Pewasow Pewas Perghyryn Edit this on Wikidata
Eseleth Gorsedh Kernow Edit this on Wikidata

Rod Lyon (13ves Genver 1936) yw skrifer, gweythresydh Kernow ha person a vri y'n Dasserghyans Kernewek. Ev o an peswardhegves Bardh Meur Gorsedh Kernow (2003-2006). Tewennow yw y hanow bardhek.

Bewnans a-Varr

Genys veu Rodney Leroy Lyon, yn Tewynblustri dhe'n 13ves a vis Genver 1936. Y vern y'n taves a dheuth ha Lyon eth po naw bloodh ha gweles koffiji henwys "Chy-an-Mor" yn y dre; y vamm a styryas dhodho bos Kernewek. Ev a dhallathas hwithra henwyn tyller, mes nag yn sevur. Trenya a wrug ev avel jynner civil yn Skol Lieskreft Rysoghen (1975-1977) ha dalleth oberi avel pyskador. Hag ev pyskador rann-termyn pan o ev yn y ugensow a-varr, ev a vetyas gans Vretonegoryon hag a dheuth dhe'n porth yn kok-pyskessa. Ev a verkyas an hevelepter ynter Bretonek ha Kernewek. Ny veu nagona y'n porth a gewsis Kernewek, ytho ev a erviras dyski Bretonek anedha. Pan o ev yn y ugensow diwedhes, ev eth yn mor gansa tri mis ha gallos kewsel gansa.

Pan dhehwelas, ev a erviras dyski Kernewek yn sevur ha prena kopi a Cornish Simplified gans Caradar. Wosa bos pyskador, ev a oberi avel Sodhek an Governans Leel bys yn omdenna.

Ober gans Kernewek

Berdhys veu yn 1979 yn Bosvena drefen y sleyneth yn Kernewek. Kannas Ban Bardh Meur o ev yntra 2000 ha 2003, ha Bardh Meur yntra 2003 ha 2006. Lemmyn, ev a ober war an iskessedhek Amyttyansow.

Esel Kesva an Taves Kernewek o ev. Ev a oberi avel presentyas radyo omarvethys rag BBC Radyo Kernow a vis Meuth 1989 bys yn mis Genver 2014, ow lenna an nowodhow yn Kernewek. Rag an Bennseythen Gernewek yn 1985, ev a dhellos lyver-termyn gesedhek An Byllen.

Skrifa meur a lyvrow yn kever y'n yeth Kernewek a wrug ev, y'ga mysk an skians fug Dhe Emlow an Galaksi (2015) hag a waynyas Hanaf Kowethas an Yeth Kernewek y'n pewasow Holyer an Gof yn 2016, hag an romans Tenkys (2016), hag a waynyas an keth hanaf yn 2017, an dhew gans Kesva an Taves Kernewek. Dicky Holla, dyllys yn 2018 gans an Gesva ynwedh, a waynyas pewas Holyer an Gof yn 2018 ha furvya rann an paper Lien a apposyans peswora gradh an Gesva. Y lyver Dadhel an Dega en Pluw Bawl a veu dyllys yn 2022 gans Spyrys a Gernow. Ev a dreylyas Enys Tresor gans Robert Louis Stevenson dhe Gernewek yn 1981, Colin a saw Slippy gans Catherine Shaw, lyver rag fleghes, yn 2013 ha Ow Gorour yw Ty, lyvrik a-dro dhe'n kurungylgh rag fleghes gans Helen Patuck, yn 2020.

Ev a skrifas lyvrow a-dro dhe'n breselyow yn istori Kernow, onan yn Sowsnek henwys Cornwall's Historical Wars: A Brief Introduction, dyllys gans Cornovia Press, hag onan yn Kernewek henwys Kernow ha'y Breselyow Ystorek, dyllys gans Kowethas an Yeth Kernewek yn 2002, dastyllys yn 2026.

Dyllansow

Ynwedh, ev a skrifas niver a lyvrow ha lyvrigow erel, y'ga mysk:

  • Enys Tresor (1981, treylyans)
  • Anethow Peder (1981)
  • Basic Cornish (1982)
  • Everyday Cornish (1984)
  • An Byllen (1985, lyver-termyn)
  • Listen and Learn: Introduction to Spoken Cornish (1986)
  • Notes on Spoken Cornish (1987, gans John Pengilly)
  • George ha Samantha (1989, gans Julia Allard)
  • Authentic Cornish (1989)
  • The Start of Newquay (1991)
  • Gero nye deske Curnoack (Let's learn Cornish) (1993)
  • An Howl ha'y deylu (1995)
  • Pyskessa dhe Dewynn Pleustri: dres an blydhynyow 1960 - 1970 (1997)
  • Henwyn-Fordhow yn Kernewek (1997, gans Graham Sandercock)
  • An Kernewek a Wella Rowe (1998)
  • Cornish - The Struggle for Survival (2001)
  • Notes on the Penwith Dialect of Cornwall (2001)
  • Kernow ha'y Breselyow Ystorek (2002)
  • Let's Learn Cornish: It's as Simple as 1 + 2 = 3 (2002)
  • Cornwall's Playing Places (2002)
  • Lavarow an Werin (2003)
  • Lavarow Koth (2003)
  • Sam (2003)
  • Gorseth Kernow - The Cornish Gorsedd - What it Is and What it Does (2008)
  • Cornish Maritime (2012)
  • Cornwall's Historical Wars: A Brief Introduction (2012)
  • Dhe Emlow an Galaksi (2015)
  • Tenkys (2016)
  • An Kevreyth Howlek (2016)
  • Dicky Holla (2018)
  • Colloquial Doesn't Mean Corrupt: Observations on Contemporary Revived Cornish (2019)
  • Dadhel an Dega en Pluw Bawl (2022)
  • Kernow ha'y Breselyow Ystorek, nessa dyllans (2026)
Bleynyes gans:
Jowan an Cleth 		Bardh Meur
2003—2006 		Holyes gans:
Gwenenen


Gwelewgh ynwedh


Porth Kernow – Tre rag folennow ha klassys Wikipedya a-dro dhe Gernow.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.