Philip Andrew Knight, aswonnys avel Philip Knight po Phil Knight dell yw usys, yw skrifer ha kaner Kernewek.
Philip Andrew Knight, aswonnys avel Philip Knight po Phil Knight dell yw usys, yw skrifer ha kaner Kernewek.
Yn kres an 1960ow, ev a wari tabours yn bagas rokk a Bennsans, 'Ricky and the Layabouts', warbarth ha'y vreder, Kit ha Tim. I a wari a-dreus Kernow, ow kwari avel eyl vagas war an rol dhe 'Tom Jones & the Squires', 'The Bachelors', 'Screaming Lord Sutch', 'Johnny Kidd & the Pirates', 'Manfred Mann', 'The Pretty Things' ha 'The Who'. Wosa henna, Phil a omjunnyas bagas, 'Velvet Touch' aga hanow. Dewisys vons avel 'Devon Pop Poll Champions', dalleth an 1970ow.
Ev a waynyas an chif kesstrif y'n Gool Pan-Geltek yn 1991 yn Gaillimh (Galway), Iwerdhon, gans y gan Deus yn rag Dolli, kan a-dro dhe Dolly Pentreath. Hemm o an eyldro dhe Gernow gwaynya an kesstrif.
Yn 1993 yth eth dhe Santiago de Compostela, Galisi, avel kannas Kernow yn kesstrif kana. Ev a ganas Apostol an Mor. Komposys ha performys veu gans Phil Knight, ha restrys rag orkestra gans Goff Richards.
A-dhia 1995 dhe 2006 ev a wari gans an 'Golowan Band', ow kevranna dhe albom gansa yn 2005. Y kevrannas dhe niver a albomow erel yn Kernewek, kepar hag Yn gwynn ha du 1997 gans Graham Sandercock, ha Planet Kernow yn 2006. Ev re warias treweythyow avel esel Skwardya. Yn 2012 dyllys veu albom ganso gelwys Omdowl morek yn furvow cidi hag iskarg bysysel.
Ev a dhyskas Kernewek y'n 1980ow ha dewisys veu avel esel a Orsedh Kernow yn 1984, gans an hanow bardhek Tan Golowan. Dyllys veu y lyver Lyver Lavarow Kernewek: My, Ny Vynnav Kewsel Sowsnek yn 1985 gans Kowethas an Yeth Kernewek ha dastyllo yn 1994 ha 2011. Yn 1990 Kowethas an Yeth Kernewek a dhyllas y hwedhel berr, 'Krakk Taran'. Dastyllys veu yn 1997. Skoodhyer gwresek o a Gernewek Kemmyn.
Ev a dreylyas Lyver Esther yn 1999 rag an ragdres Bibel yn Kernewek. Lyvrow erel skrifys ganso a gomprehend:
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.