Fylm

Fylm yw eghen a art gwelesek usys dhe heveli prevyansow a wra keskomunya tybyansow, hwedhlow, omglewansow, tekter, kedhlow po ayrgylgh der usya avenyow gwaya. Y

Fylm
GIF bywhes a gevres a skeusennow kemerys gans Eadweard Muybridge yn 1887. Y oberennow a yll bos gwelys avel fylmys rekordys kyns es fordh wiw rag aga diskwedhes ow kwaya.
GIF bywhes a gevres a skeusennow kemerys gans Eadweard Muybridge yn 1887. Y oberennow a yll bos gwelys avel fylmys rekordys kyns es fordh wiw rag aga diskwedhes ow kwaya.
Fram a vri a'n fylm taw Frynkek Le Voyage dans la Lune (Vyaj dhe'n Loor), gwrys yn 1902.
Fram a vri a'n fylm taw Frynkek Le Voyage dans la Lune (Vyaj dhe'n Loor), gwrys yn 1902.

Fylm yw eghen a art gwelesek usys dhe heveli prevyansow a wra keskomunya tybyansow, hwedhlow, omglewansow, tekter, kedhlow po ayrgylgh der usya avenyow gwaya. Yn ollgemmyn, an avenyow ma a gans son hag, yn tanow, kentrynnow aral. An ger "cinema" yw usys yn fenowgh rag styrya an diwysyans fylm, gwruthyl fylm ha'n furv art gwrys.

An awenyow gwaya a fylm yw gwrys dre skeusenna gwelow gwir gans kamera gwaya mir, dre skeusenna delinyansow po modelys munys gans gisyow ober bywheans hengovek, dre vywheans jynn-amontya hag imajys dinythys gans jynnys-amontya (yn Sowsnek: CGI), po dre gemysk a nebes po oll an gisyow ober ma.

Yn hengovek, y rekordir fylmys war fylm celluloyd der argerdh golowgymyk hag ena y'n diskwedhir dre jynn-towlyans war skrin vras. Y'n jydh hedhyw, yn fenowgh yth yw fylmow besyel yn tien dres an argerdh dien a askorra, lesranna ha diskwedhes. Yn hengovek, fylmys rekordys yn furv golowgymyk a yssynsas sonlergh optek (sonskrifans an geryow kewsys, ilow ha sonyow aral hag a gans an awenyow).

Fylmys yw taklow gonisogethel gwrys gans gonisogethow hag a wra dastewynya an gonisogethow ma ha'ga nasya. Furv art posek yw fylm, keffrys ha pennfenten dhidhan meurgerys ha fordh nerthek dhe adhyski tus. An sel gwelesek a fylm a re dhodho nerth ollvysel a geskomunyans. Nebes fylmys a dheuth ha bos meurgerys dres an bys der usya istitlow po treusleva dhe dreylya an keskows dhe yethow aral.

Ottomma nebes ensamplow a'n pyth yw fylm: fylm po 'movie' diskwedhes yn cinema, gwydhyow adhyskansek diskwedhes yn klass yn skol, gwydhyow tre a'n teylu, vlog war YouTube, argemmyn war an bellwolok, towlen An Mis, fylm berr diskwedhes yn Gool Fylm Cannes, gwydhyow artek ombrofys rag an Orsedh, hag aral.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.