Diwan

Diwan

Ensampel a	kowethyans adhyskansek
Klass	skol
Rann a	adhysk yn Pow Frynk
Dalleth/Fondya	1977
Tyller an govskrifva a vri	Kresen Hwithrans Bretonek ha Keltek
Gwiasva	http://www.diwan.bzh
Restrennow kelmys war Gemmyn Wikimedia

Diwan ("hasen" yn Bretonek) yw keffrysyans a skolyow yeth Vretonek yn Breten Vyghan.

Tybyans Diwan, a as fleghes dhe dhyski Frynkek ha Bretonek dre droghyans yeth, a veu ynspyrys gans an movayns Gaelscoileanna yn Iwerdhon, an movyans Ikastolak y'n Pow Bask, movyans Mudiad Ysgolion Meithrin yn Kembra, skolyow Calandreta yn Oksitani ha skolyow La Bressola a Gataloni north. Byttegyns, drefen bos Diwan ow tyski fleghes dhe oos etek bloodh, y skolyow yw moy hevelep dhe skolyow yeth Kembrek yn Kembra.

A-dhia oos diw vloodh dhe hwegh, Bretonek yw unnik yeth an dyski. A seyth bloodh ha hanter, Frynkek yw komendys yn diw mes a hwegh warn ugans a ouryow skol. Pan vo an dyskoryon deg bloodh, Frynkek yw dyskys an keth niver a ouryow (hwegh mes a deyr warn ugans) avel yeth ha Bretonek. Hemm yw an keth tra yn skol gres, mes Sowsnek ha dewis a Spaynek po Almaynek yw dyskys maga ta.

Skol gynsa Diwan a veu fondyes gans nebes kerens yn 1977 yn Lambaol-Gwitalmeze (Frynkek - Lampaul-Ploudalmézeau), ogas dhe Brest, drefen na vynna skolyow Frynkek an wlas kynnik an yeth Vretonek y'n kors dyski. An skol veythrin kynsa a veu sewyes gans an kynsa skol gynsa yn 1980, an skolaj (collège) kynsa yn 1988 ha'n lise (lycée') kynsa yn 1994.

Yn 2008, skolyow Diwan a solempnitas aga fenn bloodh 30. I a restras Ar Redadeg res dh-hedh dre Vreten Vyghan rag skoodhya dyski yeth Vretonek yn skolyow, o heb skoodhyans gans Governans Pow Frynk.

Yn 2019–2020, 4,307 dysker eth dhe skolyow Diwan a bub nivel a skolyow meythrin dhe'n Baccalauréat. An rosweyth a gomprehend 48 skol gynsa ha 7 skol eylradh (6 skolaj (collège) hag unn lise (lycée)).

• 1977 : Fondyans Diwan, Gweltaz ar Fur o an kaderer kynsa.
• Me 1977 : Ygeryans an klass kynsa gans 5 flogh yn Lambaol-Gwitalmeze (Denez Abernot o an dyskader kynsa)
• Gwynngala 1977 : Ygeryans skol Diwan yn Kemper
• Gwynngala 1980 : Ygeryans klass kynsa an skol gynsa
• Gwynngala 1988 : Ygeryans klass kynsa skol eylradh (skolaj Diwan kentañ e Brest) gans 8 dysker. Wosa diw vledhen a skol a removas dhe savla moy yn Releg-Kerhuon ogas dhe Brest
• Gwynngala 1994 : Ygeryans skol nivel eylradh ughella yn Releg-Kerhuon.
• Gwynngala 1995 : Ygeryans an nessa "skol eylradh" yn Plijidi yn ranndir Aodoù an Arvor, sewyes yn skon gans unn aral yn Kemper hag unn yn Plañvour (asleys lemmyn dhe Wened). Furvyes veu unsesow erel yn Treglonoù ha Wiseni .
• 1997 : Fondyans Lise Diwan yn Karaez yn Breten Vyghan kres
• Gwynngala 2006 : Skolyow furvyes yn Louaneg ha Chapel-Nevez.
• Hedra 2007 : Ygeryans skol Diwan yn Kastellin
• Gwynngala 2008 : Ygeryans an kynsa skol eylradh yn Liger-Atlantel (yn Sant-Ervlan) ha skolyow yn Lokournan ha Magoer, ogas dhe Roazhon.
• Gwynngala 2009 : Ygeryans diw skol Diwan yn Rianteg yn Bro-Wened ha Savenneg yn Bro-Naoned.
• Hwevrer 2010 : Fondyans arghas kemmynyans Roc'h Diwan
• Gwynngala 2010 : Ygeryans Skol Diwan Plogastell-Sant-Jermen yn Kerne.
• Gwynngala 2012 : Ygeryans skolyow yn Pornizh ha Landivizio.
• Gwynngala 2013 : Ygeryans skolyow yn Boulvriag ha Felger. Degeys veu skol Pornizh.
• Gwynngala 2015 : Ygeryans skol Diwan ar Bont yn Pontekroaz; Degeys veu skol Paris.
• Gwynngala 2016 : Ygeryans skol Sant-Ervlan.
• Kevardhu 2016 : Degeys veu skol Diwan Landivizio.
• Gwynngala 2016 : Ygeryans skol Plougastell-Daoulaz.
• Gwynngala 2018 : Ygeryans skol Plougerne
• Gwynngala 2019 : Ygeryans Lise Diwan Gwened
• Gwynngala 2020 : Tressa skol Kemper. Degeys veu skol Kistreberzh.

Ottomma an niver a fleghes yn rolyow skolyow Diwan rag 2020-2021