Bronn

Rag usyansow erel, y hweller Bronn (klerheans)

Bronn

Ensampel a	sort a organ, klass a furv korfoniethel, sexual characteristic
Klass	breast, gwagren dethel, rann a'n brest, ensys korfoniethel arbennik, gendered anatomical structure
Rann a	thorax, body, gnas reydh eylradh
Restrennow kelmys war Gemmyn Wikimedia

An vrodn (po diwvron) ew organ war vrest korfow tus ha primatys erel en-dadn an dhiwskodh. Ma dhe gorf a vabden diwvron. Ma dhe ha mebyon ha mowysi diwvron pan enjei dinythys, bes dres kedhorieth ma diwvron benenes aow tevi moy ha moy gweladow. Maa gwagrednow tethel e'n dhiwvron uji owth askorra leth.

Ma dhe vebyon diwvron ewedh. Ma dhe dhiwvron tus an keth kesweyth ha diwvron benenes, bes dell ye usys, le enjei. Na ell tus usya aga diwvron rag brodna, Na wra aga diwvron askorra leth, a-der dres nebes klevesow po woja dyghtyans hormonow.

Ma mowysi ow tisplegya diwvron dres kedhorieth drefen hormonow reydh, dre vras estrojen.

Semlant ha myns diwvron benyn a ell varya herwydh elvednow genetek ha myns gwias blonegek ha kelmus. Ma hormonow ow kwari radn ewedh.

Ma estrojen ow kweres tevyans gwagrednow ha pibednow, hag ema projesteron ow kawsya displegyans an kellow a askor leth. Ma prolactin hag oksytocin ow kentrynna askorrans leth. Ma oksytocin ow kawsya leth dhe frosa dhort brodn hag uji ow provia leth.

Nag ew an dhiwvron an keth myns dell ew usys - onan a ell bos moy ages an aral - bes kebmyn ew hebma.

Dres an menopos, pan wrello levelyow estrojen lehe, ma gwias e'n brodnow ow lehe ewedh, ha'n brodnow a ell plegya. Studhyans a dhiskwedhas nag ew plegya kawsys gen brodna. Elvednow a ell kawsya plegya ew myns an vrodn kens an veghyegeth gensa, niver a veghyegethow, menegva mass an korf (body mass index po BMI), megi, oos ha neb kleves ow fisegel.

An dethen ew kres an vrodn. An kelghednik ew kelgh bian a-dro dhe hei. An vrodn a gomprehend gwagrednow tethek. Ma dhe bub brodn 15 dhe 20 a bibednow leth. An pibednow a dreusperth an leth askorrys gen an gwagrednow dhe'n tethednow. Woja benyn dhe dhinythu, hy brodnow a dhalleth askorra leth.

Boosa leth dhe vabanes yw gelwys brodna po maga.

Brodnow benyn a wari radn en omdhegyans reydhek mabden. Anjei ew onan a'n gnasow reydh eylradh moyha apert. Anjei a wari radn en tednvos reydhek kesparow. Ewedh ma anjei ow rei plesour dhe'n venyn. Pan vons kentrydnys, ma myns an brodnow aow moghhe, ma patronyow an gwythi war an brodnow ow tevi moy apert, hag ema an tethednow ow kaleshe. Dres daromres reydhek, kebmyn ew dhe waska po leuvtosa an brodnow gen an diwla. Terweythyow kosa an brodnow a hwer po kentrydna der anow. Kroghendanow dhe dava ew an brodnow drefen bos dhe anjei lies pedn nerven. Nebes benenes a ell drehedhes "omdardhow (po orgasmow) brodn". E'n lyver koth eyndek an Kama Sutra, merkya brodnow gen an ewines po bratha gen an dens ew praktis erotek.

• 
  Golok ogas war vrodnow benyn
• 
  Benyn an trib Himba en Namibi. Kebmyn ew dhe venyn bos brodn-noth en hy gonisogeth
• 
  Esel Femen ow protestya

Onan a'n mil erthygel posekka war Wikipedya yw an erthygel ma.

Ma an erthygel ma usya an Furv Skrifys Savonek a-barth Kernowek diwedhes.