Bresel

Bresel, po bell, yw kas glew yntra statys, governansow, kowethasow po bagasow parabreselek, kepar ha soudoryon gober, omsevysi ha trevluyow. Yn fenowgh, yma meur a freudh, argas, diswrians ha marwoleth, kawsys gans luyow avrewlys po rewlys. Dre vras, yma an us a arvow ha soudoryon dhe vreselyow. Lagha keslwasek dengerenjedhek yw sett a rewlys a assay finwetha an effeythyow bell.

Yma dew eghen a vresel aswonnys gans lagha keswlasek dengerenjedhek:

• "Kasow keswlasek" yntra dew stat po moy.
• "Kasow ankeswlasek" yntra governans a bagas a-der governans po yntra dew vagas a'n par ma.

Karl von Clausewitz a welas bresel avel toul politek. Y lyver On War (A Vresel) a-dro dhe filosofieth vreselek yw an oberen gans an moyha delanwes ow tochya an istori ha strateji a vresel. Awtorita a-varra yn kever bell o Sun Tzu neb a'n gwelas avel drokter res porres yn y lyver The Art of War (An Art a Vresel).

Breselyow re beu gwrys dhe wul maystri war asnodhow naturel, rag achesonys kryjyek po gonisogethel ha rag an kespos politek a nell. Keffrys, i re beu gwrys rag an avowadewder a laghys komparek, rag assoylya argyansow a dir po arghans ha rag lies reson aral. Yn fenowgh yth yw an skila a by bresel pynag pur gomplek.

An kynsa dustuni a bell kynsistorek yw korflan Vesolithek yn Jebel Sahaba yn Afrika hag yw a-dro dhe 14,000 bloodh, dell dhismygir.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.