Bavê Rauf Orbay bi nav Mehmet Muzaffer Paşa bû. Ew bi eslê xwe ji Ebxazya ye û wekî endamê meclîsa osmanî bûye. Dayika xwe bi nav Rüveyde Hanım di girava Krît jidayîk bûye û bi eslê xwe kurd ji eşîra Bedirxaniyan bû.[1] Rauf Orbay di sala 1899an de di zanîngeha kadet qedand û paşê di Hêzên Deryayî yên Osmanî de efser bû. Di Şerên Balkanê û Şerê Trablusê de fermandarê keştiya Hemîdiye bû. Di 30ê Çiriya Pêşîn sala 1918an de, wî Agirbesta Mudrosê wekî Wezîrê Matrose îmze kir. Dema ku Şerê Rizgariya Tirkiyeyê dest pê kir, ji wezîfeya xwe ya hikûmetê îstifa kir û çû Enqereyê û bi Mustafa Kemal re kar kir. Di 23ê Tîrmeha 1919an de di Kongreya Erzîromê de wek endamê komîteya nûnertiyê hat hilbijartin. Di 4ê Îlona 1919an de wek delegeyekî Sêwasê beşdarî Kongreya Sêwas dibe û wek cîgirê serok tê hilbijartin. Di Şerê Rizgariyê de ji 12 Tîrmeh 1922 heta 4ê Tebax 1923 sêyemîn "Serokwezîr" a welêt bû. Di sala 1924an de yek ji damezrînerên partiya muxalefetê Terakkiperver Cumhuriyet Fırkası (Partiya Komarî ya Pêşverû) bû. Di sala 1925ab de dema partiya wî hat qedexekirin, koçeriya Ewropayê kir û deh salan li vir bû. Di sala 1933an de efûya wî hat dayîn û piştî dudiliya destpêkê di sala 1935an de vegeriya. Di sala 1939an de wekî nûnerê Kastamonuyê bû endamê Meclîsa Mezin a Neteweyî ya Tirkiyeyê.[2]
