Ресей Қорғаныс министрлігі

Ресей Федерациясының Қорғаныс министрлігі (РФ ҚМ) орыс. Министерство Обороны Российской Федерации
Байрағы
Елтаңбасы
Министрліктің басты ғимараты, Мәскеу
Жалпы мағлұмат
Мемлекеті	Ресей
Құрылған уақыты	16 наурыз 1992 жыл
Оның алдындағы мекеме	КСРО Қорғаныс министрлігі
Мекемені басқарады	Ресей үкіметі және Ресей президенті
Штаб-пәтері	Знаменка көшесі, 7-үй, Мәскеу 55°44′59″ с. е. 37°36′06″ ш. б.55.74972° с. е. 37.60167° ш. б. / 55.74972; 37.60167 ^(G) ^(O) ^(Я)
Министрі	Андрей Белоусов
Бір мекемеге қарасты орган	Ресей Қарулы Күштері
Ресми сайты
pda.mil.ru

Ресей Федерациясының Қорғаныс министрлігі (орыс. Министерство Обороны Российской Федерации) — Ресей Қарулы Күштерінің басқарушы органы, Ресей үкіметі құрамындағы министрліктердің бірі.

Ресей президенті Ресей Қарулы Күштерінің Жоғарғы Бас Қолбасшысы болып табылады және Министрліктің қызметіне басшылық етеді. Қорғаныс министрі қарулы күштерге күнделікті әкімшілік және жедел билікті жүзеге асырады.^[1] Қазіргі қорғаныс министрі — Андрей Белоусов.

Тарихы

Министрлік қазіргі түрінде 1992 жылғы 16 наурызда пайда болды.

КСРО ыдырауына байланысты және ТМД мүше мемлекеттерінің мемлекет басшыларының 1992 жылғы 20 наурыздағы Келісіміне сәйкес ТМД Біріккен Қарулы Күштерінің Бас қолбасшылығы құрылды. Ол 1993 жылдан бері ТМД-ға қатысушы мемлекеттердің әскери ынтымақтастығын үйлестіру штабы деп аталады.

2001 жылғы наурызда ғарыш әскерлері (орыс.) негізі қаланған.

2007 жылы 15 ақпанда Анатолий Сердюков Ресей қорғаныс министрі болып тағайындалды. Сердюков министрлігі кезінде Ресей Қарулы Күштерінің түбегейлі реформасы басталды, оларға «жаңа келбет» берілді. 2008 жылғы тамызда Грузиядағы соғыс реформалау шешімін жылдамдатқан себептердің бірі болды. Сердюков 2008 жылы 14 қазанда Ресей Қорғаныс министрлігі алқасының жұмысын аяқтағаннан кейін реформаның басталғанын ресми түрде жариялады. Өзгерістер Ресей Қарулы Күштерінің барлық негізгі элементтеріне әсер етті.

2022 жылғы ақпанда Ресей әскерлері Украинаға басып кірді. Оған байланысты Ресей Федерациясының Қорғаныс министрлігі ЕО-ның санкциялар тізіміне енгізілді.^[2] 2022 жылғы 3 наурызда Қорғаныс министрлігі АҚШ-тың санкциялық тізімдеріне енгізілді.^[3] 2022 жылғы 10 наурыз ол Канаданың санкциялар тізіміне де енгізілген.^[4] 2022 жылғы 19 қазанда министрлік «2022 жылғы 24 ақпанда Ресей әскерлерінің Украинаға жан-жақты басып кіруіне жауап ретінде» Украинаның санкциялар тізіміне енгізілді.^[5] Ол ұқсас себептермен Бельгия, Франция және Швейцарияның санкциялық тізімдерінде көрсетілген.^[6]

Министрлер тізімі

     Министрдің міндетін орындаушысын білдіреді

№	Суреті	Аты-жөні (Өмір сүрген жылдары)	Министрлігі		Ұзақтығы	Партиясы		Үкімет төрағасы
1		Армия генералы Константин Кобец (1939–2012)	30 қараша 1990	31 тамыз 1991	20 күн		Коммунистік	Силаев
9 қыркүйек 1991 және 6 мамыр 1992 аралығында Ресей Федерациясында де-юре Қорғаныс министрі болмаған. Қарулы Күштер басшылығында КСРО Қорғаныс министрі Евгений Шапошников болды.
—		Полковник Борис Ельцин (1931–2007)	16 наурыз 1992	18 мамыр 1992	63 күн		Партиясыз	Ельцин
2		Армия генералы Павел Грачёв (1948–2012)	18 маусым 1996	18 маусым 1996	4 жыл, 31 күн		Партиясыз	Гайдар Черномырдин
—		Армия генералы Михаил Колесников (1939–2007)	18 маусым 1996	17 шілде 1996	29 күн		Партиясыз	Черномырдин
3		Запастағы Армия генералы Игорь Родионов (1936–2014)	17 шілде 1996	22 мамыр 1997	309 күн		Партиясыз	Черномырдин
4		Маршал Игорь Сергеев (1938–2006)	22 мамыр 1997	28 наурыз 2001	3 жыл, 310 күн		Партиясыз	Черномырдин Кириенко Примаков Степашин Путин Касьянов
5		Запастағы ФҚҚ генерал-полковнигі Сергей Иванов (1953 туған)	28 наурыз 2001	15 ақпан 2007	5 жыл, 324 күн		Біртұтас Ресей	Касьянов Фрадков
6		Запастағы полковник Анатолий Сердюков (1962 туған)	15 ақпан 2007	6 қараша 2012	5 жыл, 265 күн		Біртұтас Ресей	Фрадков Зубков Путин Медведев
7		Армия генералы Сергей Шойгу (1955 туған)	6 қараша 2012	13 мамыр 2024	11 жыл, 6 ай, 7 күн		Біртұтас Ресей	Медведев Мишустин
8		Андрей Белоусов (1955 туған)	14 мамыр 2024	Қазіргісі	10 күн		Партиясыз	Мишустин

Дереккөздер

1. Федеральный закон от 31 мая 1996 г. № 61-ФЗ «Об обороне»  (орыс.). Ресей президентінің ресми сайты. Тексерілді, 5 тамыз 2023.
2. Что вошло в третий пакет санкций ЕС против России  (орыс.). BBC (25 февраля 2022). Тексерілді, 6 тамыз 2023.
3. Implementation of Sanctions Against Russia Under the Export Administration Regulations (EAR)  (ағыл.). Federal Register. Тексерілді, 6 тамыз 2023.
4. Sanctions – Russian invasion of Ukraine  (ағыл.). Канада үкіметінің ресми сайты. Тексерілді, 6 тамыз 2023.
5. МІНІСТЕРСТВО ОБОРОНИ РОСІЙСЬКОЇ ФЕДЕРАЦІЇ  (укр.). ВІЙНА & САНКЦІЇ. Тексерілді, 6 тамыз 2023.
6. МИНИСТЕРСТВО ОБОРОНЫ РОССИЙСКОЙ ФЕДЕРАЦИИ  (орыс.). RUPEP.org. Тексерілді, 6 тамыз 2023.