Джон Мильтон (ағылш. John Milton; 9 желтоқсан 1608 ж., Лондон – 8 қараша 1674 ж., сонда) — ағылшын ақыны, публицист, саясаткер.
Кембридж университетін бітірді (1632). Әдеби қызметін студент кезінде бастады. Мильтон тырнақ алды поэзиялық шығармаларында («Өмірге құштар», «Ойлы жүзді» поэмалары т.б.) өзінің қолтаңбасы айқын, ірі ақын екенін танытты. Ол 1638-40 жылдары Еуропа елдеріне саяхат жасап, өзге елдердің тұрмыс-тіршілігімен танысты. 1641 жылдан революциялық жолға түсіп, монархиялық үстемдікке қарсы күрес жүргізді. «Ареопагитика» (1644), «Икон күрескері» (1649), «Англия халқын қорғау» (1650-54) т.б. публицистикалық шығармаларын жазды. «Жоғалған жұмақ» (1667) поэмаларын, «Самсон-күрескер» трагедиясын (1671), «Англия тарихы» (6 т., 1670 жыл) т.б. туындыларын жариялады.[1]
Дереккөздер
- ↑ Қазақ совет энциклопедиясы 1976 жыл. / М.Қ.Қаратаев
