Қасым Бөлекейұлы (туған жылы белгісіз – 1827) – сұлтан, хан, Сырдарияның төменгі ағысы бойындағы қазақтарды билеген (1809–1827). Ералы ханның немересі.
Қасымның қол астында Кіші жүз Шөмекей руының 7 мың отбасын құрайтын қазақтары болған. Қасым Бұхар және Хиуа хандықтарының билеушілеріне белгілі дәрежеде бағынышты болды. Оның хан болып сайлануына Бұхар әмірі Хайдар мен Хиуа ханы Мұхаммед Рахым қолдаушылық көрсеткен. Қасым Қоқан хандығына қарсы күрес жүргізіп, қоқандықтармен болған бір шайқаста қаза тапқан. Қасымның ұлдарының есімі белгілі – Ермұхамбед (Елекей). Ол 1845 жылы хан сайланған.[1]
Дереккөздер
