Дария Пернешқызы Қожамжарова

Дария Пернешқызы Қожамжарова
Туған күні	22 шілде 1962 (1962-07-22) (62 жас)
Туған жері	Тараз
Азаматтығы	Қазақ КСР  Қазақстан
Ғылыми аясы	тарих ғылымдары
Жұмыс орны	М.Әуезов атындағы Оңтүстік Қазақстан мемлекеттік университетінің ректоры (2018 жылдан)
Ғылыми дәрежесі	ҚР ҰҒА-ның академигі, Тарих ғылымдарының докторы, профессор
Альма-матер	С.М.Киров атындағы Қазақ мемлекеттік университеті
Марапаттары	Құрмет ордені | |

Дария Пернешқызы Қожамжарова (22 шілде, 1962 жылы Таразда туған) — ғалым. Тарих ғылымдарының докторы, профессор. ҚР Ұлттық ғылым академиясының академигі (2017). Қазақстан Республикасының Білім Беру ісінің Құрметті қызыметкері. М.Әуезов атындағы Оңтүстік Қазақстан мемлекеттік университетінің ректоры (2018 жылдан).

Білімі, ғылыми атағы

Дулат тайпасының Шымыр руынан шыққан.^[1]

1984 жылы С.М.Киров атындағы Қазақ мемлекеттік университетін «Тарих» мамандығы бойынша үздік бітірді^[2].

1990-1995 жылдары Абай атындағы Алматы мемлекеттік университетінің аспиранты болды.

1995 жылы «1925-1929 жылдарындағы қазақ ауылындағы әлеуметтік-экономикалық және саяси өзгерістер» тақырыбында кандидаттық диссертация қорғады.

1995 жылы Қазақстан Республикасы Жоғары аттестациялық комиссиясының шешімімен доцент ғылыми атағы берілді.

2010 жылы «Патшалық Ресейдің Оңтүстік Қазақстанды жаулауы: әсери-отарлық әкімшілік пен жергілікті халық арасындағы қатынас (ХІХ ғ.ІІ ж – ХХ ғ. бас кезі)» тақырыбында докторлық диссертация қорғады.

2010 жылдан бастап профессор, 2013 жылдан бастап ҚР ҰҒА-ның корреспондент-мүшесі, 2017 жылдан бастап ҚР ҰҒА-ның академигі^[3].

Еңбек жолы

Алғаш еңбек жолын 1984 жылы Жамбыл педагогикалық институтының «КОКП тарихы және ғылыми атеизм» кафедрасында оқытушы болып бастады.

1989-1990 жылдары Жамбыл педагогикалық институтында стажер-ізденуші болды.

1995-2001 жылдары М.Х.Дулати атындағы Тараз мемлекеттік университеті «Тарих» кафедрасының доценті.

2001-2008 жылдары М.Х.Дулати атындағы Тараз мемлекеттік университеті Педагогика факультеті деканының орынбасары, «Саясаттану және әлеуметтану» кафедрасының меңгерушісі, Жоғары оқу орнына дейінгі дайындық, Жаратылыстану-әлеуметтану ғылымдары, Гуманитарлық-әлеуметтік ғылымдар факультеттерінің деканы қызметтерінде болды^[4].

2008-2010 жылдары М.Х.Дулати атындағы Тараз мемлекеттік университетінің Тәрбие жұмыстары және қоғаммен байланыс жөніндегі проректоры.

2010-2013 жылдары М.Х.Дулати атындағы Тараз мемлекеттік университетінің Оқу-әдістемелік жұмыстар жөніндегі проректоры.

2012 жылдың қыркүйек-қараша айларында М.Х.Дулати атындағы Тараз мемлекеттік университеті ректорының міндетін уақытша атқарушы қызметінде болды.

2013-2018 жылдары Тараз мемлекеттік педагогикалық университетінің ректоры^[5].

2018 жылдың 18 мамырында ЖОО ректорларын тағайындау жөніндегі Республикалық конкурстық комиссияның шешімімен М.Әуезов атындағы Оңтүстік Қазақстан мемлекеттік университетінің ректоры қызметіне тағайындалды^[6][7][8].

Қоғамдық қызметі

2008-2012 жылдары ІV шақырылған Тараз қалалық мәслихатының депутаты.

2012-2016 жылдары V шақырылған Жамбыл облыстық мәслихатының депутаты.

2016 жылдан VІ шақырылған Жамбыл облыстық мәслихатының депутаты. Облыстық мәслихаттың құқықтық тәртіп, әлеуметтік-мәдени салалар, гендерлік саясат және қоғамдық ұйымдармен байланыс мәселелері жөніндегі тұрақты комиссиясының төрайымы.

Марапаттары

Дария Пернешқызы Қожамжарова – 3 мәрте ҚР Президентінің Алғыс хатымен, «Құрмет» орденімен, «Ы.Алтынсарин», «ҚР Білім беру саласының құрметті қызметкері» төсбелгілерімен, «ҚР Тәуелсіздігіне 20 жыл», «ҚР Тәуелсіздігіне 25 жыл», «Астанаға 20 жыл» медалімен, ҚР Білім және ғылым министрлігінің Құрмет Грамоталарымен және Жамбыл облысы Әкімінің Алғыс хатымен марапатталған.

ҚР Мәдениет және спорт министрлігінің «Жыл патриоты – 2017» номинациясының, Жамбыл облысы әкімдігінің «Көшбасшы әйел – 2017» номинациясының иегері.

Ғылыми қызмет нәтижелері

Ғалым ретінде 250-ден астам ғылыми, ғылыми-әдістемелік мақалалардың 6 монографияның, 5 оқу-әдістемелік құралдың авторы.

Дереккөздер

1. https://abai.kz/post/8535
2. Қазақстан Республикасының Ұлттық ғылым академиясы
3. Кожамжарова Дария Пернешовна (персональная справка)
4. ҚазҰУ түлектер қауымдастығы - ҚОЖАМЖАРОВА ДАРИЯ ПЕРНЕШҚЫЗЫ
5. 2015 жылғы 23 желтоқсанда ҚР БҒМ Республикалық жоғары және жоғары оқу орнынан кейінгі білім беру оқу-әдістемелік кеңесінің "білім беру" тобының мамандықтары бойынша оқу-әдістемелік бірлестігінің отырысы Қазақ ұлттық педагогикалық университетінің базасында өткізілді. Абай "Қазақстан Республикасындағы педагогикалық білім беруді жаңғырту мәселелері"тақырыбында.
6. Назначен новый ректор ЮКГУ имени Ауэзова
7. Новым ректором ЮКГУ им. М. Ауэзова в Шымкенте назначена Дария Кожамжарова
8. Назначены ректоры вузов

Сілтемелер