ქეთი წაწალაშვილი

ქეთი წაწალაშვილი (დ. 10 ივნისი, 1992) — ქართველი მოჭადრაკე, ქალი დიდოსტატი (WGM) 2011 წლიდან.

ბიოგრაფია

ქეთი წაწალაშვილი არაერთხელ წარსდგა საქართველოს სახელით ევროპის ახალგაზრდულ და მსოფლიოს ახალგაზრდულ ჩემპიონატებზე სხვადასხვა ასაკობრივ ჯგუფებში, სადაც მან მოიპოვა ექვსი მედალი: 2 ოქროს (2007 წელს, მსოფლიოს ახალგაზრდულ ჩემპიონატზე და 2010 წელს, ევროპის ახალგაზრდულ ჩემპიონატზე) 2 ვერცხლის (2009 წელს, მსოფლიოს ახალგაზრდულ ჩემპიონატაზე და 2009 წელს ევროპის ახალგაზრდულ ჩემპიონატზე) და 2 ბრინჯაოს მედალი (2007 წელს, ევროპის ახალგაზრდულ ჩემპიონატზე და 2008 წელს, მსოფლიო ახალგაზრდულ ჩემპიონატზე).

ქეთი წაწალაშვილმა მოიგო მრავალი საერთაშორისო საჭადრაკო ტურნირი, მათ შორის 2010 წლის, ფლორენსიო კამპომანესის ქალთა მემორიალური ტურნირი ანკარაში.^[1]

2008 წელს მას მიენიჭა ფიდე-ს საერთაშორისო ქალთა ოსტატის (WIM) წოდება^[2] და სამი წლის შემდეგ მიიღო ფიდე-ს საერთაშორისო ქალი დიდოსტატის (WGM) ტიტული.^[3]

რესურსები ინტერნეტიდან

• ქეთი წაწალაშვილი — თამაშების არქივი Chessgames.com-ზე (ინგლისური)
• ქეთი წაწალაშვილი ჭადრაკის თამაშები 365Chess.com-ზე

სქოლიო

1. Florencio Campomanes Memorial-WIM July 2010 Turkey FIDE Chess Tournament report.
2. FIDE Title Applications (GM, IM, WGM, WIM, IA, FA, IO).
3. FIDE Title Applications (GM, IM, WGM, WIM, IA, FA, IO).