ლევ ძეკონსკი

ლევ ძეკონსკი
ლევ ვიქტორის ძე ძეკონსკი
პირადი ინფორმაცია
დაიბადა	30 დეკემბერი, 1912 ალექსანდროპოლი, რუსეთის იმპერია
გარდაიცვალა	12 დეკემბერი, 1993 (80 წლის)
უმაღლესი სკოლა	თბილისის ინდუსტრიული ინსტიტუტი საქართველოს ფიზკულტურის ინსტიტუტი
სიმაღლე	174 სმ
კარიერის ისტორია
1933–1938	ინდ. ინსტიტუტი თბილისი
1938–1941	„ლოკომოტივი“ თბილისი
1942–1944	დკა თბილისი
1945–1947	ტოდო თბილისი

ლევ ვიქტორის ძე ძეკონსკი (რუს. Лев Викторович Дзеконский; დ. 30 დეკემბერი, 1912, — გ. 12 დეკემბერი, 1993) — ქართველი და საბჭოთა კალათბურთელი და კალათბურთის მწვრთნელი. საბჭოთა კავშირის სპორტის დამსახურებული ოსტატი (1947), საერთაშორისო კატეგორიის მსაჯი (1953), საბჭოთა კავშირის დამსახურებული მწვრთნელი (1957).^[1]

ბიოგრაფია

დაიბადა ალექსანდროპოლში. დაამთავრა თბილისის ინდუსტრიული ინსტიტუტი და საქართველოს ფიზკულტურის ინსტიტუტი. თამაშობდა საქართველოს ინდუსტრიული ინსტიტუტის გუნდში (1933–1938), თბილისის „ლოკომოტივსა“ (1938–1941) და თბილისის არმიელთა გუნდებში — დკა, ტდო, ტოდო (1944–1947). საბჭოთა კავშირის ორგზის ჩემპიონი (1944, 1946), ორგზის მეორე (1940, 1945) და მესამე (1939) პრიზიორი. იყო თბილისის არმიელთა გუნდის მოთამაშე-მწვრთნელი (1942–49), პოლიტექნიკური ინსტიტუტის ქალთა გუნდისა (სპი) და საქართველოს ქალთა ნაკრების მთავარი მწვრთნელი (1950–1977). მისი ხელმძღვანელობით სპი-ს ქალთა გუნდი ორჯერ გახდა საბჭოთა კავშირის ჩემპიონატის მეორე პრიზიორი (1966, 1967). იმსაჯა ევროპის ჩემპიონატის ფინალური ეტაპის შეხვედრები (1953).

მიღწევები

„ლოკომოტივი“ თბილისი

• საბჭოთა კავშირის ვიცე-ჩემპიონი: 1940
• საბჭოთა კავშირის მესამე პრიზიორი: 1939

დკა თბილისი

• საბჭოთა კავშირის ჩემპიონი: 1944
• საბჭოთა კავშირის ვიცე-ჩემპიონი: 1944

ტოდო თბილისი

• საბჭოთა კავშირის ჩემპიონი: 1946

ლიტერატურა

• ენციკლოპედია „თბილისი“, თბ., 2002. — გვ. 955, ISBN 99928-20-32-2.

პერიოდიკა

• დიდების სათავეებთან // „ლელო“, 12 მაისი, 1968, № 92 (3576), გვ. 3.
• კალანდაძე, მ., საინტერესო ექსკურსი // გაზ. „ლელო“, 5 ოქტომბერი, 1980, № 193 (6754), გვ. 2.

რესურსები ინტერნეტში

• ლევ ძეკონსკი — ბიოგრაფიული ლექსიკონი
• ლევ ძეკონსკი — ქართული სპორტი

სქოლიო

1. სიმონიშვილი, ვაჟა (23 სექტემბერი, 2021). „გზა ევრობასკეტისკენ. ოთარ ქორქიას ეპოქა — უნიკალური კადრები პირველი არხის არქივიდან“. 1tv.ge. საქართველოს პირველი არხი. ციტირების თარიღი: 29 იანვარი, 2022.