„ვარსკვლავური ომები: ბედისწერის ძალები“ (ინგლ. Star Wars Forces of Destiny) — ამერიკული 2D ანიმაციური ტელესერიალი, რომელიც ქვეყნდება Disney-ის YouTube-არხზე. მოიცავს რა „ვარსკვლავური ომების“ რამდენიმე ეპოქას, იგი არის ფრენჩაიზის ქალი პერსონაჟების შესახებ სამწუთიანი ეპიზოდების კრებული. სერიალის პრემიერა გაიმართა 2017 წლის 3 ივლისს. ყოველდღე ქვეყნდებოდა რვა ეპიზოდი, რომელთა ტელეპრემიერა გაიმართა Disney Channel-ზე 9 ივლისს. რვა დამატებითი ეპიზოდი გამოვა 2017 წლის ბოლოს.
სერიალის მომზადების შესახებ პირველად ცნობილი გახდა 2017 წლის აპრილში „Star Wars Celebration“-ის ფარგლებში. „ბედისწერის ძალები“ არის Disney Consumer Products and Interactive Media-ის ფრენჩაიზული დამატება, რომელსაც ახლავს Hasbro-ს თოჯინების სერიაც და მოზარდებზე გათვლილი წიგნები. ეს არის 2003 წლის „კლონების ომების“ შემდეგ Lucasfilm-ის პირველი ნახატი ანიმაციური სერიალი და Lucasfilm Animation-ის პირველი 2D პროექტი, რომელიც „კლონების ომების“ შემდეგ შემუშავდა.
რესურსები ინტერნეტში
სქოლიო
