ადამიანი ობობა (ინგლ. Spider-Man) — 1977 წლის ამერიკული მოქმედებითი სატელევიზიო სუპერგმირული ფილმი, რომელიც სხვა ქვეყნებში კინოგაქირავებაში გამოვიდა. იგი არის ამავე სახელწოდების 1978 წლის ტელესერიალის საპილოტო შესავალი. ფილმის რეჟისორია ე. უ. სუოკჰამერი, ხოლო სცენარისტი — ელვინ ბორეცი. პიტერ პარკერის როლს ასრულებს ნიკოლას ჰემონდი, ხოლო დანარჩენ პერსონაჟებს — დევიდ უაიტი, მაიკლ პატაკი, ჯეფ დონელი და თეიერ დევიდი.
სიუჟეტი
ყურადღება! ქვემოთ მოყვანილია სიუჟეტის და/ან დასასრულის დეტალები.
პიტერ პარკერს (ნიკოლას ჰემონდი), გაზეთ Daily Bugle-ის ფოტოგრაფს, კბენს რადიოაქტიური ობობა. ამის გამო იგი მიიღებს სუპერძალებს, რომელთა შორის არის კედელზე ცოცვის უნარი და ობობის ქსელის სროლა. იდუმალი გურუ (თეიერ დევიდი) აკონტროლებს ადამიანების გონებას და მათ ბანკების გასაძარცვად იყენებს. იგი იმუქრება, რომ ნიუ-იორკის ათ მოსახლეს აიძულებს თვითმკვლელობას, თუ მას 50 მილიონ აშშ დოლარს არ გადაუხდიან. პიტერმა მისი გეგმა უნდა შეაჩეროს. ყველაფერი უფრო რთულდება მას შემდეგ, რაც ბოროტი პერსონაჟი პარკერს აჰიპნოზებს და უკანასკნელი ხდება ერთ-ერთი ამ ათი მსხვერპლიდან.[1]
როლებში
წარმოება
ცნობილი სცენა, რომელშიც ადამიანი ობობა ოფისის ჭერზე მოძრაობს და ხტება კედელზე შეიქმნა რთული დეკორაციის შექმნით და ჭერში ჩამონტაჟებული ბაგირების გამოყენებით. დუბლიორი ფრედ ვოუ ამ ბაგირებით ადიოდა ჭერზე, შემდეგ კი მოძრაობდა სპეციალური სამაგრების მეშვეობით.[2] სცენა, რომელშიც ადამიანი ობობა შენობიდან შენობაზე ხტებოდა, ძვირადღირებული და სახიფათო გამოდგა. მის მოსამზადებლად დეკორაციებს ორი დღის განმავლობაში ამონტაჟებდნენ. ასეთი სცენების ხელმეორედ გადაღებისგან თავის შეკავების და ბიუჯეტის ეკონომიის მიზნით, დუბლიორს ერთდროულად რამდენიმე კამერა სხვადასხვა რაკურსიდან იღებდა, ასე, რომ სცენებს ხელახლა იყენებდნენ ტელესერიალის ეპიზოდებშიც.[2]
გამოშვება
ფილმის პრემიერა გაიმართა CBS-ზე, 1977 წლის 14 სექტემბერს. მისმა რეიტინგმა 17.8 შეადგინა, რაც იმ წელს კომპანიის ეთერში ნაჩვენები ნაწარმისთვის ყველაზე მაღალი გამოდგა.[2] სხვა ქვეყნებში ფილმი კინოგაქირავებაშიც გამოვიდა. 1980 წელს იგი VHS-ზეც გამოსცეს.
გაგრძელება
„ადამიანი ობობას საპასუხო დარტყმა“ ამ ფილმის გაგრძელებაა და შეიცავს ორნაწილიან ეპიზოდს „Deadly Dust“, რომელიც აგრეთვე შევიდა ტელესერიალში. იგი ევროპის კინოთეატრებში 1978 წლის 21 დეკემბერს აჩვენეს.
რესურსები ინტერნეტში
სქოლიო
|
|---|
| | ფილმები |
| |
|---|
| | |
|---|
| სემ რეიმის ტრილოგია | |
|---|
| მარკ უების ფილმები | |
|---|
| | |
|---|
| ანიმაციური | |
|---|
|
|---|
| | საუნდტრეკები |
|
|---|
| | ვიდეო თამაშები | |
|---|
| | სხვადასხვა | |
|---|
|
