ჰრონი (სლოვაკ. Hron) — მდინარე სლოვაკეთში, მდინარე დუნაის მარცხენა შენაკადი სიგრძე 298 კმ, აუზის ფართობი 5453 კმ². სათავე აქვს დაბალი ტატრების სამხრეთ კალთაზე, ზღვის დონიდან 935 მ სიმაღლეზე. ზემო და შუა დინება მოქცეულია დასავლეთი კარპატების ხეობებსა და მთათაშორის ქვაბულებში, ხოლო ქვემო დინება გაშლილია შუა დუნაის დაბლობზე. წყალდიდობა გაზაფხულზეა, წყალმცირობა ზაფხულში. დასაცურებელი მდინარეა. არის ჰიდროელექტროსადგური. მდინარის ნაპირზეა ქალაქები: ბანსკა-ბისტრიცა და ზვოლენი.
რესურსები ინტერნეტში
