ტანკი — მთლიანად დაჯავშნული მუხლუხიანი, მაღალი გამავლობის მანქანა. აქვს მბრუნავ კოშკურაში ჩამონტაჟებული მძლავარი ქვემეხი, რომლის ძირითადი დანიშნულებაა სროლა პირდაპირი დამიზნებით. თანამედროვე ტანკების მასა არის 46-62 ტონა, შუბლის ჯავშნის სისქე 500-600 მმ, მაქსიმალური სიჩქარე 60-70 კმ/სთ-ში. ტანკის ძირითადი ელემენტებია: კორპუსი კოშკურით, ძალა 1500 ცხენის ძალამდე, ტრანსმისია, სავალი ნაწილი, კავშირგაბმულობის საშუალებები, რომელთაც აქვთ მასობრივი დაზიანების იარაღისგან დაცვის სისტემა, მოწყობილობის წყალქვეშ ტარებისთვის, საზენიტო საშუალებები და სხვა. პირველი ტანკები შეიქმნა დიდ ბრიტანეთში და საფრანგეთში1916 წელს და პირველად გამოიყენეს პირველ მსოფლიო ომში, მდინარე სომაზე ოპერაციის დროს. მასობრივი გამოყენება პოვა მეორე მსოფლიო ომში.
