პედრო დე ვალდივია

პედრო დე ვალდივია
პედრო დე ვალდივია
მშობლიური სახელი	Pedro de Valdivia
დაბადების თარიღი	1497 ან 1500 ბადახოსი, ესპანეთი
გარდაცვალების თარიღი	1 იანვარი, 1554 ტუკაპელი, ჩილე
ეროვნება	ესპანელი

პედრო დე ვალდივია (ესპ. Pedro de Valdivia) — ესპანელი კონკისტადორი, ჩილეს პირველი გუბერნატორი.

ბიოგრაფია

პედრო დე ვალდივია დაიბადა ესპანეთის ქალაქ ბადახოსში, აზნაურის (იდალგოს) ოჯახში. 1520-1521 წწ. იბრძოდა კარლ V-ის არმიის შემადგენლობაში ფლანდრიაში, ხოლო შემდეგ 1525 წლამდე იტალიაში. ევროპული ომების შემდეგ გაემგზავრა სამხრეთ ამერიკაში, სადაც გახდა აქტიური მონაწილე ფრანსისკო პისაროს პერუში (1532—1536) და დიეგო დე ალმაგროს ჩილეში (1535—1537) ლაშქრობისა.

გუბერნატორობა

პედრო დე ვალდივიას ძეგლი სანტიაგოში

1540 წელს დაინიშნა ესპანეთის კოლონია ჩილეს პირველ გუბერნატორად. თავისი გუბერნატორობის დროს დააარსა მთელი რიგი ქალაქებისა:

• სანტიაგო (1541)
• ლა-სერენა (1544)
• კონსეფსიონი (1550)
• ლა-იმპერიალი (1551)
• ვალდივია (1552)

მისი მმართველობის დროს ჩილეს ტერიტორია გაიზარდა ატაკამის სამხრეთიდან, ვალდივიამდე და კ. ჩილოემდე.

გარდაცვალება

1550-იანი წლების დასაწყისში დაიწყო შეტევა სამხრეთით მაპუჩეს (არაუკანები) ხალხის წინააღმდეგ. 1553 წელს ვალდივია ტყვედ ჩავარდა. იგი ინდიელებს დაპირდა მიწების დაბრუნებას თუკი მას გაათავისუფლებდნენ, მაგრამ მიუხედავად დაპირებისა იგი სიკვდილით დასაჯეს.

რესურსები ინტერნეტში

ვიკისაწყობში არის გვერდი თემაზე:

პედრო დე ვალდივია

• Pedro de Valdivia Spanish. Vi-E Educación al día. ციტირების თარიღი: 15 ოქტომბერი 2008.
• Pedro de Valdivia Spanish. Biografía de Chile. დაარქივებულია ორიგინალიდან — 11 მაისი 2019. ციტირების თარიღი: 16 იანვარი 2009.