არაბული სამყარო პანარაბიზმი არის მოძრაობა, რომლის მიზანია არაბულენოვანი ხალხებისა და არაბული ქვეყნების ერთ სახელმწიფოში გაერთიანება ატლანტის ოკეანიდან არაბეთის ზღვამდე . პანარაბიზმი მჭიდრო კავშირშია არაბულ ნაციონალიზმთან . იგი ქადაგებს არაბთა ერთ ნაციად ჩამოყალიბების იდეას. პანარაბიზმს აქვს ტენდენცია სეკულარობისკენ და ხშირად სოციალიზმისკენაც . იგი მკაცრად ეწინააღმდეგება კოლონიალიზმსა და დასავლურ პოლიტიკურ ჩარევებს არაბულ სამყაროში. პანარაბიზმი კულტურული ნაციონალიზმის ერთ-ერთი ფორმაა.
პანარაბიზმის იდეა პირველად წამოჭრა შარიფ ჰუსეინ იბნ ალიმ მექას შარიფმა, რომელიც ოტომანების იმპერიისგან გათავისუფლებასა და ერთიანი არაბული სახელმწიფოს დაფუძნებაზე ფიქრობდა.
