| ნეტუმბო ნანდი-ნდაიტუა |
|
| ნამიბიის პრეზიდენტი (არჩეული) |
|---|
| ამჟამინდელი თანამდებობა |
|---|
| დაიკავა | 21 მარტი, 2025 |
|---|
| წინამორბედი | ნანგოლო მბუმბა |
|---|
ნამიბიის ვიცე-პრემიერი |
|---|
| თანამდებობაზე ყოფნის დრო |
|---|
| 21 მარტი, 2015 – 4 თებერვალი, 2024 |
| პრემიერ-მინისტრი | საარა კუუგონგელვა |
|---|
| წინამორბედი | მარკო ჰაუსიკუ |
|---|
| მემკვიდრე | ჯონ მუტორვა |
|---|
ნამიბიის საგარეო საქმეთა მინისტრი |
|---|
| თანამდებობაზე ყოფნის დრო |
|---|
| 4 დეკემბერი, 2012 – 4 თებერვალი, 2024 |
| პრემიერ-მინისტრი | ჰაგე გეინგობი, საარა კუუგონგელვა |
|---|
| წინამორბედი | უტონი ნუიომა |
|---|
| მემკვიდრე | პეია მუშელენგა |
|---|
გარემოს დაცვისა და ტურიზმის მინისტრი |
|---|
| თანამდებობაზე ყოფნის დრო |
|---|
| 21 მარტი, 2010 – 4 დეკემბერი, 2012 |
| პრემიერ-მინისტრი | ნაჰას ანგულა |
|---|
| წინამორბედი | ვილემ კონიორე |
|---|
| მემკვიდრე | უაჰეკუა ჰერუნგა |
|---|
|
| დაბადებული | 29 ოქტომბერი, 1952 (1952-10-29) (72 წლის)
ოშანის რეგიონი, ნამიბია |
|---|
| ეროვნება | ნამიბიელი |
|---|
| პოლიტიკური პარტია | SWAPO |
|---|
| მეუღლე | ეპაფრას დენგა ნდაიტუა |
|---|
| განათლება | კილის უნივერსიტეტი, გლაზგოს კალედონიური უნივერსიტეტი |
|---|
ნეტუმბო ნანდი-ნდაიტუა (ინგლ. Netumbo Nandi-Ndaitwah) — ნამიბიელი პოლიტიკოსი, ნამიბიის არჩეული პრეზიდენტი, რომელიც თანამდებობას დაიკავებს 2025 წლის 21 მარტს.[1] ქვეყნის ვიცე-პრეზიდენტი 2024 წლის 4 თებერვლიდან. ვიცე-პრემიერი 2015 წლის 21 მარტიდან 2024 წლის 4 თებერვლამდე.[2] მმართველი პარტიის SWAPO-ს ვიცე-პრეზიდენტი და ქვეყნის პრეზიდენტობის პირველი ქალი კანდიდატი 2024 წლის ნოემბრის საპრეზიდენტო არჩევნებში.[3] ნამიბიის საგარეო საქმეთა მინისტრი 2012 წლის 4 დეკემბრიდან. 2010-2012 წლებში გარემოს დაცვისა და ტურიზმის მინისტრი. მმართველი პარტიის წევრი და ეროვნული ასამბლეის ხანგრძლივად მოქმედი დეპუტატი. 2017 წელს პარტიის მეექვსე კონგრესზე აირჩიეს ვიცე-პრეზიდენტად. იგი პირველი ქალია ამ თანამდებობაზე.
ბიოგრაფია
ნეტუმბო ნანდი-ნდაიტუა დაიბადა 1952 წლის 29 ოქტომბერს ჩრდილოეთ ნამიბიაში.[4] სწავლობდა სოფელ ოდიბოს წმინდა მერის სამისიონერო სკოლაში.[5]
ნანდი-ნდაიტუა ქვეყნიდან წავიდა 1974 წელს და შეუერთდა SWAPO-ს წევრებს ზამბიაში. 1974 წლიდან 1975 წლამდე მუშაობდა SWAPO-ს სათაო ოფისში ლუსაკაში. 1975-1976 წლებში დაესწრო ლენინის სახელობის უმაღლესი კომკავშირულო სკოლის კურსებს საბჭოთა კავშირში. 1987 წელს მან მიიღო გლაზგოს ტექნოლოგიური კოლეჯის ასპირანტურის დიპლომი საჯარო ადმინისტრირებასა და მენეჯმენტში, ხოლო 1988 წელს კილის უნივერსიტეტის (გაერთიანებული სამეფო) ასპირანტურის დიპლომი საერთაშორისო ურთიერთობებში. 1989 წელს ნანდი-ნდაიტუამ კილის უნივერსიტეტში მიიღო მაგისტრის ხარისხი დიპლომატიურ მეცნიერებებში.[6]
პოლიტიკური კარიერა
ნანდი-ნდაიტუა 1976-1978 წლებში იყო ზამბიაში SWAPO-ს წარმომადგენლის მოადგილე, ხოლო 1978-1980 წლებში მთავარი წარმომადგენელი. 1980-1986 წლებში იყო SWAPO-ს მთავარი წარმომადგენელი აღმოსავლეთ აფრიკაში, რეზიდენციით დარ-ეს-სალამში. SWAPO ცენტრალური კომიტეტის წევრია 1976-1986 წლებში, ხოლო ნამიბიის ქალთა ეროვნული ორგანიზაციის (NANAWO) პრეზიდენტი 1991-1994 წლებში.[6]
ნამიბიის ეროვნული ასამბლეის წევრია 1990 წლიდან. იყო საერთაშორისო ურთიერთობებისა და თანამშრომლობის მინისტრის მოადგილე 1990-1996 წლებში 2000 წელს იგი დაწინაურდა მინისტრის თანამდებობაზე და გადაეცა ქალების საქმეთა და ბავშვთა კეთილდღეობის მინისტრის პორტფელი.[7]
2005-2010 წლამდე ეკავა ინფორმაციისა და მაუწყებლობის მინისტრის თანამდებობა. 2010-2012 წლებში იყო გარემოს დაცვისა და ტურიზმის მინისტრი, 2012 წლიდან კი არის საგარეო საქმეთა მინისტრი.[8] 2015 წელს ჰაგე გეინგობის პრეზიდენტობის დროს საგარეო საქმეთა მინისტრობის პარალელურად დაინიშნა ვიცე-პრემიერად.[9] არის SWAPO-ს ცენტრალური კომიტეტისა და ასევე პოლიტბიუროს წევრი.[6]
2023 წლის მარტში, პრეზიდენტმა ჰაგე გეინგობმა ნეტუმბო ნანდი-ნდაიტუა დაასახელა, როგორც მმართველი პარტიის SWAPO-ს ერთადერთი კანდიდატი მომავალი წლის საპრეზიდენტო არჩევნებში.[10]
სქოლიო
.jpg)
