მკვლელობა (ინგლ. The Killing) — სტენლი კუბრიკის 1956 წლის ფილმი. ფილმში ერთ-ერთ მეორეხარისხოვან როლს ქართველი მოკრივე კოლა ქვარიანი ასრულებს.
სიუჟეტი
ყურადღება! ქვემოთ მოყვანილია სიუჟეტის და/ან დასასრულის დეტალები.
ვეტერანი დამნაშავე ჯონი კლეი გეგმავს უკანასკნელ ძარცვას, რის შემდეგაც აპირებს ნორმალურ ცხოვრებას მოეკიდოს და ცოლად ფეი მოიყვანოს. ის საკუთარ გეგმებს ფეის აცნობს. ის დოღის სალაროს გაძარცვას აპირებს. ჯონის თანამზრახველებიდან ერთ-ერთი, ჯორჯი, საიდუმლოს გაანდობს საკუთარ ცოლს, რათა ამ უკანასკნელს ასიამოვნოს. როდესაც ჯონის და მისი თანამზრახველები დეტალურად გაწერილი გეგმას განიხილავენ, ხმაურს გაიგებენ და აღმოაჩენენ, რომ მათ ჯორჯის ცოლი ფარულად უსმენდა. ისინი ჯორჯის ერთგულებაში ეჭვს შეიტანენ. ჯონი შერის გაფრთხილებას მისცემს. დოღის დროს ჯონის მიერ დაქირავებული მორისი არეულობას შექმნის, რათა დაცვის ყურადღება მიიპყროს. ასეთივე მიზნით დაქირავებული სნაიპერი ნიკი ესვრის დაწინაურებულ ცხენს, მაგრამ გაქცევის მცდელობისას მას დაცვა მოკლავს. ჯონი ამ დროს სალაროს დააყაჩაღებს. ჯონის თანამზრახველები ბინაში ელოდებიან, როდესაც მათ თავს ვალი და მისი მეგობარი დაესხმიან. ატყდება სროლა და ყველა კვდება, გარდა ჯორჯისა, რომელიც მძიმედ დაჭრილია. ჯორჯი სახლში მიდის და კლავს ცოლს, რომელმაც, როგორც აღმოჩნდება, გააგებინა ვალს ძარცვის შესახებ. ჯონი და ფეი კი გატაცებული ფულით თვითმფრინავში სხდებიან. ჩასხდომამდე, ბარგის გადატანისას, მათი ჩემოდანი სატვირთო მანქანიდან გადმოვარდება და ფულს ქარი წაიღებს.
როლებში
- სტერლინგ ჰეიდენი — ჯონი კლეი
- ელიშა კუკი — ჯორჯი
- მერი უინძორი — შერი
- კოლინ გრეი — ფეი
- კოლა ქვარიანი — მორისი
- თიმოთი კერი — ნიკი
- ვინს ედვარდსი — ვალი
რესურსები ინტერნეტში
|
|---|
| | 1950-იანები | |
|---|
| | 1960-იანები | |
|---|
| | 1970-იანები | |
|---|
| | 1980-იანები | |
|---|
| | 1990-იანები | |
|---|
| | მოკლემეტრაჟიანი ფილმები | |
|---|
|
.jpg)
