ისლი (Carex) — მცენარეთა გვარი ისლისებრთა ოჯახისა. მრავალწლოვანი კორდის შემქმნელი ფესურიანი ბალახებია. აქვთ სახწახნაგოვანი, იშვიათად მომრგვალო ღერო, რომელიც შემოსილია ხაზური ან ლანცეტა ფოთლებით.
ისლის 2000-მდე სახეობაა ცნობილი. უმეტესობა გავრცელებულია ზომიერი და ცივი ჰავის ზონებში. საქართველოში 90-მდე სახეობა გვხვდება.
ხარობს თითქმის ყველანაირი ტიპის ადგილსამყოფელში - ტყის ზონაში, უდაბნოში, ტუნდრაში და ალპურ მდელოებზე. განსაკუთრებით ბევრია ყველა ზონის ტენიან და ჭაობიან ადგილებში.
იყენებენ სასილოსედ და თივად. ზოგ სახეობას - ჭილობის, ჩანთებისა და ქუდების მოსაქსოვად, ნაგებობათა გადასახურავად, იშვიათად თოკსაც გრეხენ. მსხვილი ისლისგან მზადდება ქაღალდი და სხვა.
ლიტერატურა
