1908 წლის აშშ-ის საპრეზიდენტო არჩევნები 3 ნოემბერს გაიმართა. მიუხედავად პოპულარულობისა, მოქმედმა პრეზიდენტმა თეოდორ რუზველტმა პირობა შეასრულა და მესამე ვადით არ იყარა კენჭი. სანაცვლოდ მან ახლო მეგობარს და ომის მდივანს უილიამ ტაფტს დაუჭირა მხარი. დემოკრატებმა 1896 და 1900 წლების არჩევნებში დამარცხებული უილიამ ბრაიანის კანდიდატურა წამოაყენეს, რომელიც ლიბერალების და პოპულისტების თვალში პოპულარული იყო. მიუხედავად აგრესიული კამპანიისა ბიზნესელიტის წინააღმდეგ, ბრაიანმა მესამე და ყველაზე მძიმე მარცხი იწვნია. ტაფტმა საკმაო უპირატესობით გაიმარჯვა.
.svg){kind=small}
