Saliyané bisa ngasinaké uyah uga bisa ngilangaké amisamis ing welut.[4] Carane welut kang isih urip ing plastik banjur diwénéhi uyah.[4] Banjur dijarké nganti welut mati.[4] Sawisé iku welut diresiki.[4]
Sawisé nanas dioncéki lan dijupuki matané, nanas banjur diléléti uyah.[4] Kanthi mangkono rasa gatel yèn mangan nanas bakal ilang.[4] Saliyané iku nanas bakal luwih legi rasané, tenggorokan uga ora bakal gatel manèh.[4]
Yèn lara untu bisa ditambani nganggo uyah.[4] Carane banyu anget kang dicampur uyah lan diudheg nganti rata banjur dianggo kemu.[4] Yèn kulina kemu nganggo banyu uyah uga bisa ngilangaké bau mulut.[4]
Carané banyu anget kang wis diwadhahi émbér banjur dicampur karo uyah.[4][4] Sawisé iku sikil kang krasa pegel banjur direndem ing banyu uyah mau.[4] Banjur rendem sikil manèh ing banyu anyep.[4] Baléni terus, sawisé iku rasa pegel-pegel ing sikil bakal ilang.[4]
Noda getih angél banget diilangi, apamanéh yèn wis garing.[4] Uyah bisa ngilangaké noda getih ing kain.[4] Kain kang kena noda getih banjur dikum utawa direndem ing banyu uyah.[4] Sawisé iku banjur dikumbah nganggo sabun utawa deterjen. Yèn durung patiya ilang bisa dikucek manèh supaya ilang nodané.[4]
Yèn iwak digoréng ing wajan lan iwak mau kanthil bakal ndadékaké kulit iwaké nglothok lan goréngan iwak banjur katon ora sedhep manèh yèn disawang.[4] Cara ngatasiné yaiku nggoréng iwak nganggo téflon, nanging yèn ora nduwé téflon ana cara liyané.[4] Wajan kang kanggo nggoréng iwak digosok dhisik nganggo uyah lagi disokaké lenga kang kanggo nggoréng.[4] Kanthi cara iki iwak bakal ora kanthil ing wajan.[4]
Sawisé ngiris lombok lumrahé kulit tangan krasa panas.[4] Iki kang diarani wedangen.[4] Carané nambani yaiku tangan diwijiki nganggo banyu uyah nganti resik kalebu ing lekitan-lekitan driji.[4]
