The Lincoln Lawyer ya iku sesirah filem thriller saka Amérikah Sarékat kang digawé taun 2011. Filem iki disutradarani Brad Furman, dhedhasar skénario anggitané John Romano, diangkat saka novèl kanthi sesirah kang padha, karyané Michael Connelly. Sawènèh juru paraga kang main ing filem iki antarané Matthew McConaughey, Ryan Phillippe, William H. Macy, Bryan Cranston, lan Marisa Tomei.[3][4][5]
Ringkesan
Dadi sawijné pokrul iku ora gampang, amarga kadhangkala kudu nglakoni dosa amarga nutupi kanyatan lan nyalahké kabecikan. Mick (Matthew McConaughey) ya iku salah sawijiné pokrul kang duwé kalicikan lan duwé kanca-kanca kang sayuk, saéngga ora akèh pokrul kang bisa nglawan dhèwèké ing sawijining prakara ing pangadilan. Mula saka kuwi Louis Roulet milih Mick minangka dadi pokrulé supaya bisa bébas saka kaluputan kang dilakoni.
Louis ditudhuh ngrudapeksa lan ngantemi wanita tuna susila ing sawijining bar. Tumindak mau agawé pasuryané Reggie Campo abuh, lan prakara iki lumebu ing pangadilan. Louis ngaku marang Mick yèn dhèwèké dudu kang tumindak, amarga sadrema péngin lumebu kamar Reggie lan diantemi, sawisé tangi saka semaput, malah lumebu pakunjaran. Mick ora gampang nampa apa kang dikandhakké déning Louis. Mick sabanjuré nyisik melik prakara kuwi lan kèlingan yèn mbiyèn naté ana kadadéan kaya ngono kuwi nalika dadi pokrul ing prakara raja-pati wanita kang sadurungé dirudapeksa lan diantemi. Mick bingung apa kang kudu ditumindakaké amarga Louis iku kang tumindak ing prakara raja-pati taun 1997 kapungkur.
Ingkang maragani
Rujukan
Pranala njaba
