Pitik kampung iku sesebutan ing Indonesia kanggo pitik ingon-ingon sing ora diurusi kanthi cara budidaya kanthi bebarengan (komersial) lan ora saka galur utawa ras sing kanggo kapentingan komersial kasebut.[1]
Pitik kampung ora duwé sesebutan kanggo pitik kampung endhog-endhogan utawa pitik kampung belèhan. Mula pitik kampung ngendhog kaya déné klompok unggas lan duwé daging kaya déné kéwan umume.
Jeneng ilmiah kanggo pitik kampung ya iku Gallus domesticus.[2] Kagiatan ternak pitik kampung wis ana wiwit jaman biyen.[1]
Latar mburi
Pitik kampung minangka salah siji jinis unggas ternak sing wis nyebar lan kasebar ing kabèh pelosok nuswantara.[3] Kanggo wong Indonésia, pitik kampung wis ora bab aneh maneh.[3]
Tembung pitik kampung mula bukane saka jeneng pitik ras, lan sebutan iki nuduhaké menyang pitik kang ditemokaké saba bébas ing sakiwa tengené omah. Nanging, wiwit dianakaké rencana pangrembaka, pemurnian lan pemuliaan sawatara pitik lokal unggul, wektu iki dikenal uga sawatara ras unggul pitik kampung. Kanggo mbedakaké iku saiki ditepang kanthi istilah pitik buras (singkatan saka "pitik dudu ras") kanggo pitik kampung sing wis dipilih lan diingu kanthi perbaikan cara budidaya (ora mung diumbar lan diculké golék pakan dhéwé). Sing ternak pitik buras duwé jejibahan kang cukup gedhé kanggo nyengkuyung ékonomi masarakat désa amarga nduwéni kakuwatan bisa njumbuhaké karo lingkungan lan cara ngopénané sing luwih gampang.
Referensi
- ↑ a b Rasyaf M. 1992. Produksi dan Pemberian Pakan Unggas. Hlmn 42-50.Yoyakarta: Kanisius.
- ↑ Kurniawan. Mengenal Hewan & Tumbuhan Asli Indonesia. Hlmn 7.ISBN 6028526177. Jakarta :Agromedia Pustaka
- ↑ a b Sarwono B.1995. Berternak Ayam Buras.halmn 243-244. Jakarta:Penebar Swadaya.
