Musiyum Taman Prasasti punika salah satunggaling musiyum cagar budaya tilas jaman kolonial Walandi.[1] Musiyum Taman Prasasti punika wonten ing Jalan Tanah Abang No. 1, Jakarta Pusat.[1] Musiyum punika gadhah koleksi wujud koleksi prasasti nisan kuna saha miniatur makam kas saking 27 provinsi ing Indonesia.[1] Kajawi punika, musiyum punika ugi gadhah koléksi kereta jenazah antik.[1] Musiyum Taman Prasati punika wiyaripun 1,3 ha.[1] Musiyum taman Prasati kalebet musiyum kabuka ingkang mamèraken karya seni jaman rumiyin ngenani kapinteran para tukang reca, pahat, kaligrafer saha sastrawan.[1]
Rumiyin Musiyum Taman Prasasti ingkang manggèn wonten Jl. Tanah Abang I punika dipun-ginakaken kanggé pemakaman umum Kebon Jahe Kober ingkang wiyaripun 5,5ha saha nalika taun 1795 dipunyasa kanggé nggantosaken makam sanèsipun wonten pinggir gréja ingkang anami gréja Nieuw Hollandsche Kerk.[1] Greja punika sapunika dados salah satunggaling musiyum ugi ingkang anami Musiyum Wayang.[1] Makam enggl menik dipunyasa amargi makan ingkang lawas sampun kebak.[1]Makam énggal punika nyimpen koleksi nisan sakang taun-taun sadèrèngipun amargi kathah ingkang dipunpindahaken saking pemakaman Nieuw Hollandse Kerk nalika wiwitan abad kaping 19.[1] Nisan ingkang dipupindhahaken punika dipuparingi tandha tulisan HK,ingkang artosipun Hollandsche Kerk.[1]
Nalika tanggal 9 Juli1977, pemakaman Kebon Jahe Kober dados musiyum saha dipunbikak kanggé umum kanthi kolèksi prasasti, nisan, saha makam ingkang kathahipun 1.372.[1] Piranti punika dipundamel saking batu alam, marmer, saha perunggu.[1] Amargi sngrembakanipun kutha, wiyaripun musiyum punika kantun 1,3ha.[1]
Musiyum Taman Prasasti kalebet musiyum open air.[2]
