Musiyum Purna Bhakti Pertiwi (MPBP) dipunyasa déning Yayasan Purna Bhakti Pertiwi saha dipunprakarsani Tien Soeharto.[1] Musiyum punika manggèn wonten ing salebetipun Taman Mini Indonésia Indah (TMII).[2] Musiyum punika isinipun koleksi barang-barang cindera mata ingkang wonten gèndhèng cènèngipun kaliyan lelampahan pengabdian Présidhèn Républik Indonésia ingkang kaping kalih inggih punika Soeharto.[2]
Sajarah
Musiyum punika dipunkepyakaken tanggal 23 Agustus1993 déning Soeharto.[1] Musiyum punika dipunkepyakaken sesarengan kaliyan dinten ambal warsa ingkang kaping 70 garwanipun ingggih punika Tien Soeharto.[1] Musiyum punika wiyaripun 25.095 mèter pasagi saha dipunyasa wonten ing siti ingkang wiyaripun 19,7 hèktar.[1]
MPBP isinipun éwon barang-barang ingkang ngemu sajarah tumrap pengabdian Soeharto.[1] Wiwit bundhel-bundhel naskah pidhato, senapan ingkang dipun-ginakaken wonten ing jaman révolusi, rasukan-rasukan dinas militèr, ngantos KRI Harimau, kapalperang ingkang dipun-ginakaken wonten ing Operasi Mandala saha pembebasan Irian Jaya nalika taun 1963.[1]
Sadèrèngipun barang-barang punika dipunsimpen déning Tien Soeharto lajeng dipunmusiyumaken.[1]
Arsitèktur lan kolèksi
Musiyum Purna Bhakti Pertiwi punika wujud yasan saha arsitèkturipun mèmper kaliyan segatumpeng utawi gunungan.[1] Wangun punika nglambangaken raos pangucap syukur.[1]
