Kroket

Croquette (Kroket)

Kroket Gilig
Woworan pokok	Mashed potatoes, ground meat, shellfish, fish, cheese, vegetables, béchamel or brown sauce
Buku masakan: Croquette (Kroket)  Médhia: Croquette (Kroket)

Kroket inggih punika satunggaling nama dhaharan ingkang dipunpendhet saking bangsa Walanda (Belanda) ing Indonesia^[1]

nanging dipunpendhet saking Prancis.

Wonten ing Belanda, kroket punika satunggaling dhaharan ingkang kapérang saking ragout ingkang dipunlapisi mawi putihan tigan lan ugi glepung panir lajeng dipun-gorèng. Wonten ing Indonésia, padatanipun kroket punika kentang ingkang dipunalusaken lajeng dipunisi kaliyan daging ingkang dipuncincang lan dipunparingi bumbu saha dipuncampur kaliyan sayuran kados déne wortel lan buncis. Kroket punika dipunlebetaken ing tigan ingkang sampun dipunkocok lan dipunlebetaken ing glepung panir sadèrèngipun dipun-gorèng wonten ing lisah gorèng ingkang kathah.^[2]

Kroket wonten ing sapérangan negara

• Spanyol: Croquettes,^[3] punika dipundamel saking daging pitik lan kalebet ing dhaharan pambuka (tapas).
• Brasil: Croquettes utawi croquetes, limrahipun dipundamel saking daging sapi, lan dipunsadé wonten ing Brasil minangka dhaharan saking Jerman.^[4]
• Meksiko: Croquettes^[5] dipundamel saking ulam tuna lan kentang.^[6]
• Republik Ceko: Krokety, bunder-bunder lan alit, dipundamel saking kentang, tigan, glepung terigu lan mentéga.
• Kuba: dipundamel saking ham, daging babi, daging pitik, utawi kombinasi saking tigang bahan wau.
• Amerika Serikat: Ing Tampa, Florida, kroket dipundamel saking daging yuyu ingkang nembé mangsa lan dipunparingi lapisan saking glepung panir ingkang asalipun saking Roti Kuba. Warga ing papan kasebat mastani minangka deviled crab (croqueta de jaiba).^[7]
• Honggari: Krokett, mirip kaliyan kroket wonten ing Republik Ceko, nanging wujudipun lonjong lan asring dipunparingi bumbu pala.^[8]
• India: Alu-tikki inggih punika kroket kentang dhaharan khas India Lor ingkang dipunrahapi minangka cemilan. Asring ugi sinebat kaliyan cutlet, lan saged kapanggihaken wonten ing griya dhahar siap saji.^[9]
• Bangladesh: Memper kaliyan Alu-tikki, nanging dipunparingi nama Alu-chop lan wonten ing satengahipun dipunisi kaliyan daging sapi.
• Jepang: Korokke inggih punika dhaharan ingkang kawentar lan kathah dipunsadé wonten ing pasar swalayan lan toko daging. Korokke punika dipundamel saking kentang lan radi gèpèng. Isi kroket punika saged manéka werna wiwit saking sayuran, daging sapi, babi utawi campuran daging babi lan sapi (aibiki). Kejawi punika, kroket kanthi isi ragut daging yuyu (sinebat kani korokke) lan urang ugi kawentar. Menchi katsu (minced cutled) inggih punika sebatan kanggé daging cincnag ingkang dipunlapisi glepung panir lan dipun-gorèng. Menchi katsu punika boten dipundamel saking kentang lan menawi boten dipunnyatakaken minangka daging sapi, pramila daging ingkang dipun-ginakaken punika campuran antawisipun daging sapi lan babi.
• Filipina: Croqueta punika sebatan kanggé kroket kentang mawi isi daging utawi ulam.

Rujukan

1. "Indonesia kroket-ragout". Diarsip saka sing asli ing 2010-05-29. Dibukak ing 2018-02-12.
2. "Eat word croquettes".
3. [2]
4. ^[pranala mati permanèn] [6]^{[pranala mati permanèn]}
5. "MexicanCroquettes". Diarsip saka sing asli ing 2016-03-03. Dibukak ing 2018-02-12.
6. [5]
7. http://foodmuseum.typepad.com/food_museum_blog/2007/02/devil_crabs_ser.html
8. Turokrokett Archived 2008-10-04 at the Wayback Machine.
9. Stuffed Aloo Tikki Recipe

Pranala njawi

Wikimedia Commons duwé médhia ngenani Kroket.

• Resep kroket Archived 2007-11-06 at the Wayback Machine.
• Resep kroket Belanda Archived 2008-04-03 at the Wayback Machine.