Francis Leggatt Chantrey

Francis Leggatt Chantrey
Potret dhiri (sakiwa-tengené 1810)
Kondhang ing	pematung

Sir Francis Leg(g)att Chantrey (lair ing Norton, Sheffield, 7 April 1781 – pati ing Sheffield, 25 Novèmber 1841 ing umur 60 taun) inggih punika satunggaling pematung Inggris saking era Georgia. Francis Leggatt Chantrey nilaraken Wasiat Chantrey utawi Pendanaan Chantrey kanggé mundhut karya-karya seni kanggé nagara ingkang taksih wonten saking 1878 bibar sédanipun sang garwa ingkang dados randha.

Pagesangan

Francis Leggatt Chantrey wiyos wonten ing Norton celak Sheffield (nalika dados péranganing Derbyshire) papan minangka bapakipun ingkang dados tukang kayu gadhah lahan tetanèn ingkang alit.

Bapakipun tilar donya nalika Francis Leggatt Chantrey umur 12 taun ^[1]; lan ibunipun krama malih, nilaraken Francis Leggatt Chantrey tanpa masa depan ingkang cetha. Nalika umur 15 taun, piyambakipun myambut damel wonten ing satunggaling penyadé ing Sheffield. Bakat seninipun kapanggih déning John Raphael Smith juru gambar lan pematung ingkang lajeng paring piwulang babagan nglukis dhateng Francis Leggatt Chantrey.^[2] Taun 1802 Chantrey mbayar £50 supados boten magang malih kaliyan Ramsay (sanajan namung gadhah wekdal 6 wulan kanggé nglayani). Lajeng Chantrey damel studio gambar minangka seniman potrèt ing Sheffield. Chantrey ngempalaken arta kanggé pindhah dhateng London.

Chantry pikantuk pakaryan minangka asisten pemahat kayu, nanging wonten ing wekdal ingkang sami taksih setya minangka pelukis potret, ingkang damel patung dhadha lan damel model saking lemah. Dipuntakèni ing pagesangan salajengipun, minangka saksi wonten ing sidang, menapa piyambakipun naté nyambut damel marang pematung sanès. Piyambakipun mangsuli: "Boten lan menapa keluwihanipun, kula boten naté satunggal jam kémawon nampi dhawuh saking satunggaling pematung ing gesang kula".^[3] Chantrey dhateng Dublin papan piyambakipun gerah lan sadaya rikmanipun ical.^[1]. Lajeng Chantrey pindhah dhateng London lan ngawontenaken paméran lukisan ing Royal Academy ing sapérangan taun saking 1804. Nanging saking 1807 langkung condong ing karya pahat. Pemahat Joseph Nollekens nedahaken remenipun dhateng bakatipun Chantrey. Taun 1807 piyambakipun kagarwa keponakanipun, Miss Ann Wale,^[2] ingkang gadhah sapérangan properti kagunganipun piyambak. Karya pahatan imajinatif ingkang kapisan punika model mustaka Satan ingkang dipunpamèraken ing Royal Academy taun 1808. lajeng piyambakipun ngayahi pakaryan kanggé Rumah Sakit Greenwich 4 patung dhadha kanthi ukuran kolosal saking admiral Duncan, Howe, Vincent lan Nelson; lajeng kanthi rikat pamoripun nyebar saéngga karya patung dhadha salajengipun ingkang dipundamel punika John Horne Tooke saéngga pikantuk komisi kanthi aji £2.000.

Karya

Anak-anak ingkang keturon (1817) ing Katedral Lichfield, nggambaraken 2 sedherek enem, Ellen-Jane lan Marianne ingkang séda kanthi tragis ing taun 1812

Memorial karya Chantrey kanggé Isaac Hawkins Browne, satunggaling politisi Tory, ingkang gadhah tambang lan penganggit esei, ing geraja paroki Badger, Shropshire.

Karya-karya Chantrey punika kathah sanget, salah satunggal ingkang wigati punika patung George Washington ing wisma praja ing Boston, Massachusetts; ugi George III ing Guildhall, London; George IV ing Brighton; William Pitt ing Hanover Square, London; James Watt ing Westminster Abbey lan ing Glasgow (ugi satunggaling patung dhadha katambah William Murdoch, ing Gréja St. Mary, Handsworth); William Roscoe lan George Canning ing Liverpool; John Dalton ing Manchester Town Hall; Lord President Blair lan Lord Melville ing Edinburgh, lan sanèsipun. Patung ingkang nitih turangga paling kondhang punika Sir Thomas Munro ing Kolkata, Duke of Wellington ing ngajengipun London Exchange lan satunggal karya Raja George IV ing Alun-alun Trafalgar. Ingkang pungkasan punika karya mawi bayaran ingkang dipunsuwun kanthi rikat déning raja piyambak kanggé dipunpapanaken ing sanginggilipun Marble Arch ngajeng Astana Buckingham.^[4]

Wasiat Chantrey

Cathetan suku

• D. S. MacColl, The Administration of the Chantrey Bequest, by (London, 1904), a controversial publication by the leading assailant of the Royal Academy;
• Arthur Fish, Chantrey and His Bequest (London, 1904), a complete illustrated record of the purchases, etc.;
• H. J. Laidlay, The Royal Academy, its Uses and Abuses (London, 1898), controversial;
• Report from the Select Cornmittee of the House of Lords on the Chantrey Trust, together with the Proceedings of the Committee, Minutes of Evidence and Appendix (Wyman & Sons, 1904), and Index (separate publication, 1904).

1. Dictionary of British sculptors,1660-151,Robert Gunnis
2. Burke, Edmund. Annual Register volume 83. kc. 232.
3. Cithakan:Cite book title=Report of the trial of the cause Carew against Burrell, Bt and another, executors of the late Earl of Egremont
4. "Chantrey's Statue of George IV in Trafalgar Square". Illustrated London News. 4: 128. 1844.

Pranala njawi

• "CHANTREY, SIR FRANCIS LEGGATT". Dictionary of national biography,. 10: 44–47. 1887.