* Gunggung main lan gul ing klub sénior tumrap liga dhomèstik iki mligi lan patitis per pukul 15:40, 5 January 2018 (UTC).
‡ Gunggung main lan gul ing tim nasional iki patitis per pukul 15:40, 5 January 2018 (UTC)
Eric Jeremy Edgar Dier (/ˈdaɪər/DIER;[2] lair 15 Januari 1994) inggih punika juru main bal-balan profèsional saking Inggris ingkang main ing Liga Primér Inggris klub Tottenham Hotspur lan Tim Nasional Bal-balan Inggris.[3] Dier kalebet juru main tipe bertahan, saged dipunposisikaken dados gelandhang bertahan, bèg tengah, bèg tengen utawi kering.[3]
Dier ageng ing Portugal, ing mangsa enèm piyambakipun ngudi kawruh bal-balan ing sekolah Sporting CP, minggah dhateng tim Sporting CP B, lan sènior dhebut ing taun 2012 sasampunipun dipunampilaken dhateng klub Everton.[4] Ing taun 2014, piyambakipun pindhah dhateng Tottenham Hotspur kanthi mangsa kontrak gangsal taun lan béya transferipun 4 yuta euro.[4]
Sanajan kepincut kepèngin main mbéla Portugal, nanging Dier langkung milih Inggris ing pentas internasional.[4] Piyambakipun miwiti dhebut kanggé tim senior ing wulan Novèmber 2015, lan kapilih main ing Euro UEFA 2016.[4]
Mangsa enèm
Lair ing Cheltenham, Gloucestershire, Dier pindhah saking Portugal dhateng Inggris nalika umur pitung taun,[5] rikala ibunipun pikantuk padamelan ing bagéyan program kasehatan ing UEFA Euro 2004.[6] Sareng kaliyan tiyang sepuhipun lan gangsal sadhèrèk kandhung, Dier nelasaken setunggal taun ing wewengkon Algarve sadèrèngipun pindhah dhateng Lisbon. Ing taun 2010, tiyang sepuhipun pindhah dhateng Inggris malih lan Dier dipuntilar ing Portugal, manggèn ing Akadhemi Bal-balan Sporting C.P.[7]
