Dhaptar sekolah menengah atas negeri ing Dhaérah Istiméwa Yogyakarta
SMA Negeri 5 Yogyakarta
Pratélan sekolah menengah atas nagari ing Yogyakarta inggih punika salah satunggaling pratélan ingkang ngewrat nama-nama sekolah tingkat menengah atas ingkang nagari ingkang mapan wonten ing provinsiYogyakarta.
Pratélan sekolah menengah atas nagari ing Daerah Istimewa Yogyakarta ing ngandhap punika inggih pratélan sekolah ingkang dipunkelola déning Dinas Pendidikan provinsi Daerah Istimewa Yogyakarta lan dipunklompokaken dhedhasar wewengkon administrasi kutha utawi kabupatèn ingkang wonten ing Daerah Istimewa Yogyakarta. Sekolah menengah atas inggih punika urut-urutaning sekolah ingkang wonten ing sak nginggiling tingkat sekolah menengah pertama (SMP). Sejatosipun, ing tingkta sekolah menengah atas punika saged dipunpereng dados sekolah menengah atas nagari, sekolah menengah atas swasta ugi wonten sekolah menengah kejuruan (SMK) ingkang kedhudhukanipun sejajar kaliyan sekolah menengah atas, ingkang kapérang dados kalih ugi, inggih punika sekolah menengah kejuruan nagari lan sekolah menengah kejuruan swasta.
Ing ngandhap punika wonten gangsal kabupatèn lan kutha ing provinsi Daerah Istimewa Yogyakarta, ingkang kapérang saking satunggal kutha, inggih punika Kutha Ngayogyakarta lan sekawan kabupatèn inggih punika Kabupatèn Sléman, Kabupatèn Gunungkidul, Kabupatèn Bantul, lan Kabupatèn Kulon Praga.
Ing kotamadya Yogyakarta wonten seket enem sma nagari lan sma swasta ingkang kapérang saking sewelas sma nagari lan tigang dasa enem sekolah menengah atas kategori swasta, ugi nem madrasah aliyah, ing Kabupatèn Sléman wonten sekawan dasa sekawan sma nagari lan sma swasta ingkang kapérang saking pitulas sma nagari lan tigang dasa tigang sma swasta lan kalih welas madrasah aliyah, ing kabupatèn Gunungkidul wonten sekawan likur sma nagari lan sma swasta ingkang kaprang saking 11 sma nagari, enem madrasah aliyah, ing Kabupatèn Bantul wonten tigang dasa wolu sma nagari lan swasta igkang kapérang saking sangalas sma nagari, sanga madrasah aliyah lan sangalas sma swasta. Ing kabupatèn Kulon Praga wonten enem welas sma nagari lan sma swasta ingkang kapérang saking 11 sma nagari, sekawan madrasah aliyah ugi 5 sma swasta.
Ing ngandhap punika inggih pratélan SMA Negeri ingkang wonten ing Daerah Istimewa Yogyakarta dhedhasar Kabupatèn/ Kota.
