Bèntèng Portugis

Barkas:Pasisir Benteng Portugis.jpg

Pasisir Benteng Portugis

Bèntèng Portugis ya iku salah satunggalipun objek wisata ingkang wonten ing [Désa Banyumas], [Kacamatan Keling], Kabupatèn Jepara, Jateng. Saking pusat kitha, tumuju ing objek saged dipuntempuh kanthi wekdal 30 menit lan jarakipun 45 kilomèter. Ingkang badhé tumuju ing Bèntèng Portugis ing pelampahipun wonten paningalan alas karèt lan jati ingkang taksih grumpul lan adem. Ugi paningalan Gunung Muria ingkang elok saged dipuntingali.

Sajarahipun Benteng Portugis

Ing taun 1619, kutha Jayakarta utawi Sunda Kelapa dipunlebeti déning VOC Walanda, lan Imperialis Walanda. Sultan Agung, Raja Mataram sampun gadhah ancaman saking Walanda. Sultan Agung dadosaken angkatan perang kanggé pambebasan saking Walanda. Mataram kalah saking Walanda, Mataram lajeng damel prajanjen kaliyan Portugis kanggé bébas saking Walanda. Pasukan Portugis dipunpanggenaken ing Bèntèng ingkang kasebat Benteng Portugis punika. Nanging, Portugis sulaya kalih prajanjen, lan malah angkat kaki saking Benteng amargi kitha Malaka, kang dados kitha utamanipun Portugis ing Asia Kidul-wétan malah saged dipunrebut déning Walanda ing taun 1641.^[1]

Objek Sapanunggalipun

Sapanunggalipun Benteng Portugis wonten Pulo Mandalika, ingkang wonten ing kiwa-tengené Benteng Portugis. Manawi badhé tumuju Pulo Mandalika, saged ngginakaken prahu. Mandalika inggih punika pulo ingkang wonten wana, ing ngrika wonten griya panjaga pulo. Pasir pulo kang gadhah jinis warna putih, nanging paningalan Benteng Portugis saking Pulo Mandalika langkung asri lan éndah kanthi latar bukit-bukit.^[2]

Cathetan suku

1. www.bangadang.com Archived 2010-12-13 at the Wayback Machine.(dipuntigali tanggal 9 Agustus 2011)
2. www.mlancong.com^{[pranala mati permanèn]}(dipuntingali tanggal 9 Agustus 2011)