Prof. Dr.Armida Salsiah Alisjahbana, S.E., M.A., (lair Bandung, Jawa Kulon, 16 Agustus 1960).[1] Armida Salsiah Kusumaatmaja iku Mantri Negara Perencanaan Pembangunan Nasional Républik Indonésia/Kepala Badan Perencanaan Pembangunan Nasional ing Kabinet Indonésia Bersatu II.[2] Armida Salsiah uga dadi Guru Besar lan Pembantu Dekan babagan Akademik Fakultas Ékonomi Universitas Padjadjaran (UNPAD).[2]
Armida tau njabat dadi Ketua Jurusan Ékonomi dan Studi Pembangunan (saiki Ilmu Ékonomi) FE-UNPAD lan Ketua Laboratorium Penelitian, Pengabdian Pada Masarakat dan Pengkajian Ékonomi (LP3E) FE UNPAD.[2] Armida iku lulusan Fakultas Ékonomi Universitas Indonésia lan éntuk gelar Master of Arts in Economics saka Universitas Northwestern, Amérika Sarékat, lan Doctor of Philosophy in Economics saka Universitas Washington, Amérika Sarékat.[2] Saliyané iku Armida uga nulis akèh riset kang ana gandhéng cénéngé karo desentralisasi fiskal.[2] Armida kerep dadi konsultan kanggo Bank Dunia lan Australian Agency for International Development (AusAID).[2] Armida saiki duwé tugas dadi mantri ing Kabinet Indonésia Bersatu II.[2] Armida dadi Mantri Nagara Perencanaan Pembangunan Nasional (PPN)/Kepala Bappenas.[2]
Kulawarga
Armida iku anak wadon nomer loro saka pasangan Prof. (Em.) Dr. Mochtar Kusumaatmadja SH. lan Siti Hadidjah.[2] Armida nikah karo wong lanang kang jenengé Andi Alisjahbana kang saiki dadi Direktur Teknologi & Pengembangan PT. Dirgantara Indonésia.[2] Saka pernikahané iki, Armida nduwé anak kang cacahé loro ya iku Arlisa Alisjahbana lan Ariana Alisjahbana.[2] Armida iku mantune alm. Prof. Dr-Ing. Iskandar Alisjahbana.[2]
Cathetan suku
