Vetraríþrótt er íþrótt sem er stunduð á og í snjó og ís.[1] Flestar vetraríþróttir fela í sér notkun skauta, skíða eða sleða. Áður voru þessar íþróttir bundnar við staði þar sem frost er ríkjandi yfir vetrarmánuðina, en síðustu áratugi hafa gervisnjór og skautahallir skapað möguleika til iðkunar vetraríþrótta á fleiri stöðum og yfir fleiri mánuði en áður.
Algengar hópíþróttir eru íshokkí, ringette, broomball, ísbandý og krulla. Íshokkí er vinsælasta vetrarhópíþróttin miðað við fjölda þátttakenda, en ísbandý er í öðru sæti.[2]
