Salalaug

Sundlaugin Versölum eða Salalaug er ein af tveimur sundlaugum í Kópavogi. Hún er staðsett að Versölum 3. Við sundlaugina er íþróttamiðstöð með 4.095 fermetra íþróttasal með fimleikaðstöðu fyrir Íþróttafélagið Gerplu. Laugin opnaði 22. apríl 2005 og helgina þar á eftir var ókeypis fyrir alla í sundlauginna.^[1]

Aðalsundlaugin er 25x15 m að stærð og dýptin er frá 1 m – 1,6 m. Hitastigið er um 29°. Iðulaugin er eitt af einkennum Versala-laugarinnar. Þar eru nuddstútar og legubekkir og rúmgott svæði fyrir þá sem vilja slaka á. Hitastigið er um 38°. Innilaugin er 16.67x10 m að stærð og 0,75-0,9 m að dýpt. Hitastigið er 33-34°. Laugin er tilvalin fyrir ungabörn og yngri sungesti og í henni fer fram skólasund yngri barna grunnskólanna. Í sundlauginni Versölum er einnig að finna rennibraut, tvo heita potta og svokallað vatnsorgel.

Tengt efni

• Kópavogur
• Sundlaug Kópavogs
• Sundlaugar á Íslandi

Tenglar

• Heimasíða Salalaugar Geymt 18 ágúst 2011 í Wayback Machine
• Versalir, íþróttamiðstöð í Salahverfi^{[óvirkur tengill]} Verkís

Heimild

1. „Ný sundlaug í Kópavogi - Vísir“. visir.is. Sótt 24. ágúst 2020.

64°5.551′N 21°51.293′V