Miðvogur

Miðvogur

Kirkjan í Miðvogi

Staðsetning Miðvogs á Færeyjakorti

Miðvogur (færeyska: Miðvágur, danska: Midvåg) er þorp á eyjunni Vogum í Færeyjum og hluti af sveitarfélaginu Vogum. Íbúar eru 1.035 (2014). Fiskiðnaður er helsta atvinnugreinin.

Í kirkjugarðinum liggja breskir hermenn sem létust í seinni heimsstyrjöld. Stríðssafn er í bænum. Fornt torfhús, Kálvalíð, er í Miðvogi og er það sennilega frá miðöldum. Í dag er það safn.

Sumarhátíðin Vestanstevna, sem svipar til Ólafsvöku, er haldin af Miðvogi, Sandavogi og Saurvogi í júlí. Knattspyrnufélagið MB (Miðvágs Bóltfelag) og róðrarfélagið Miðvágs Róðrarfelag eru helstu íþróttafélögin.

Heimild

Fyrirmynd greinarinnar var „Miðvágur“ á ensku útgáfu Wikipedia. Sótt 18. apríl 2017.