Wichitaesas la maxim populoza urbo en Kansas, e sideyo dil komtio Sedgwick. Segun la demografiala kontado di 2020, ol havis 397 532 habitanti[2], kontre 382 368 habitanti en 2010.[3] Lua tota surfaco esas 431,28 km², equivalanta a 166,52 quadrata milii, de qui 419,55 km² (161,99 mi²) esas lando, e la cetera esas aquo.
Wichita enkorpigesis en 1870. Ol divenis repozo-loko por individui qui duktis bovi de la nordo di Texas til Kansas dum la 19ma yarcento. Dum la 20ma yarcento, Wichita divenis mondale famoza pro l'industrio aeroplanal, ed ol surnomizesis l'"Aerala Chef-urbo de la Mondo". Nun, ol esas importanta koncentro-punto por industrii, e regionala centro por kulturo, komunikilaro e komerco. Ol gastigas granda muzei, parki, e diversa universitati, exemple Universitato Wichita State, ed importanta komercala centri ed amuzo-loki, exemple stadio Intrust Bank Arena.
