Venuso

Venuso en lua reala koloro.

Venuso (simbolo: ) esas la duesma (o duesma maxim interna) planeto de la Suno.

Venuso esas videbla en cielo kom matino-stelo e vespero-stelo. Dum l'Antiqueso on pensis, ke ol esis du separata steli, Hesperus e Fosforus.

Venuso esas preske tam granda kam la Tero. Lu havas densa nebulala strato, do on povas obtenar fotografuri de la planeto nur per probili.

• un yaro = 225 terala dii.
• un dio = 244 terala dii (do la dio di Venuso esas plu longa kam la yaro!).
• temperaturo = 470-480 ˚C. En altitudo di 50 km, la temperaturo esas +70 °C.
• atmosferala preso = 90-foye plu granda kam en Tero. En altitudo di 50 km, la preso esas sama kam en Tero.
  • l'atmosfero konsistas ek karbobioxo (96 %), nitro (3 %), oxigeno, neono, argono (1 %).

Ultraviolea imajo di Venuso kun lua nubi, fotografita dal orbitala sondilo Pioneer Venus.

Venuso rotacas reverse komparante altra planeti, ma orbitas same kam altra planeti. L'orbito di Venuso ne esas en la sama nivelo kam l'orbito di la Tero. Pro to Venuso preteriras tre skarse inter Tero e Suno. La maxim recente Venuso iris avan Suno en 1639, 1761, 1769, 1874, 1882, 2004. La sequanta preteriro esos en decembro 2117.

Misioni a Venuso

• 1962 - Mariner 2 preterpasis Venuso, mezurante olua temperaturo.
• 1965 - Venera 3 kolizionis kun Venuso sen transmisar informeso.
• 1967 - Venera 4 esis la unesma sondilo qua sendis detaloza informeso pri l'atmosfero di altra planeto.
• 1967 - Mariner 5 preterpasis Venuso e studiis l'atmosfero e magnetala feldo.
• 1969 - Venera 5 atingis plu basa nivelo di l'atmosfero kam Venera 4.
• 1970 - Venera 7 atingis la surfaco di la planeto, de ube ol transmisis informeso dum 23 minuti.
• 1975 - Venera 9 unesmafoye transmisis imaji de la surfaco di Venuso.
• 1975 - Venera 10 anke transmisis imaji de la surfaco di Venuso.
• 2006 - Venus Express, en orbito cirkum Venuso, studiis l'atmosfero e la surfacala temperaturo.
• 2007 - MESSENGER studiis l'atmosfero di Venuso survoye a Merkuro.

Transiri di Venuso

Venuso transiris (de la vidpunto ye Tero) la suno en 1874, 1882, 2004 e 2012; futura transiri eventos en 2117 e 2125.

La transiro di 9 di decembro 1874 esis videbla en Indonezia, Australia e l‘esto di Azia. De plura landi esis expedicioni, oficala e ne-oficala, a ca regioni, por observar la evento. Esis ja savata ke la disto de la suno a Tero – la "astronomiala unajo" – esas kalkulebla per observado di la transiro de plura loki ye Tero, e to facesabis pos antea tala transiri; cafoye ca disto esis plu precize kalkulata.