RobotoSpirit enkorpigas diversa rafinita teknologii developita recente por l'exploro di Marso.Diversa utensili ek petro developita dum neolitiko.
Teknologio esas l'apliko di koncepta konoci por atingar praktika skopi. Teknologiala produkturi referas la produkturi obtenita de ca esforco, inkluzanta tushebla utensili, instrumenti e mashini, o netushebla produkturi, exemple softwaro.
En la tota mondo, teknologial avanci rezultis signifikiva chanji en la socii. La maxim anciena teknologio konocata esis la kreo di petra utensili dum la prehistorio, e pose la kontrolo di fairo - qua stimulis la kresko di homala cerebro e la developo di parolado dum glacial epoko. L'invento di la roto dum bronz-epoko posibligis la kreo di plu komplexa mashini. Altra inventuri plu recenta, exemple imprimo-tekniki, telefono ed interreto eliminis barili a la komuniko ed enduktis tale nomizita "ekonomio di la konoco".
Kustumale, parolesas pri teknologio pos la 18ma yarcento, kande tekniko (empirikala habileso) ligesis a ciencala teorii. Multa omnadiala problemi, traktesis ciencale, konseque kreesis nova inventi por faciligar homala vivo. Ica maniero por afrontar la problemi esis plu efikiva e produktis plu bona rezulti kam ante. La teknologio anke avancis paralele la konstanta progreso di cienco.
Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc. Ka vu povas helpar ni revizar ol?
Dum la 18ma yarcento la teknologio developesis cirkum vaporomashino, ma nun existas multa branchi. Un di la maxim importanta parto di la teknologio nuntempe esas l'elektroniko.
